Thetan

Sa Siyentolohiya, an konsepto na thetan (/ˈθeɪtən/) iyo an kaagid na konsepto kan sadiri, o an espiritu o kalag siring kan manunumpungan sa nagkapirang sistema nin pagtubod. Ginuno an termino sa Greek letter Θ, theta, na sa Scientology beliefs minarepresentar sa "ginunoan kan buhay, o an buhay mismo." Sa Scientology pigtutubudan na an thetan, bako an central nervous system, an nagsusugo sa hawak.

Ilinadawan an Thetan bilang:

• An "thetan iyo an immortal spiritual being; an kalag kan tawo."
• "An being na iyo an indibidwal asin iyo an nagkakapot asin nabubuhay sa hawak."
• "An thetan bakong sarong bagay, an thetan iyo an kagtugdas kan mga bagay."
• An thetan iyo "an siya mismong tawo—bako an saiyang hawak o an saiyang ngaran, an pisikal na uniberso, an saiyang kaisipan, o an maski arin; na igwa nin pagkaisi sa pagiging igwa nin pagkaisi; an identidad na iyo an indibidwal."

An konsepto para sa thetan enot na ilinadawan kaidtong kaamayi kan dekada 1950 ni L. Ron Hubbard, ginuno sa mga report kan mga nagsasagibo kan Dianetics, na sa session nanumpungan na an mga kliyente nagdulog na igwa nin descriptions kan mga eksperyensya sa nakaaging buhay. An thetan pwedeng magnanitawo nin dakol na beses sa panahon kan buhay asin dai nag-uuntok na mag-eksistir sa hawak-kagadanon, ni mapasiring sa langit o impyerno. An importanteng katuyohan sa Siyentolohiya iyo an mapauswag nin dakulang agimamad asin urog kahalangkaw na lebel nin abilidad tanganing mag-operar sa pisikal na uniberso bilang sarong Operating Thetan.