Wikipedia:Bikol Wikipedia Community

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Bikol Wikipedia Community sarong komunidad nin mga boluntaryo na nagpapabantog kan mga proyekto kan Wikimedia Foundation sa rehiyon Bikol. Namukna ini kan Oktobre 19, 2009 ninda Irvin Sto. Tomas, Ramon Olaño sagkod Gil Gregorio na nagkairinot na paraambag sa Bikol Sentral Wikipedia.

Agi-agi[liwaton an gikanan]

Ika-26 kan Nobyembre 2008 kan isinelebrar kan inot na anibersaryo kan Bikol Sentral Wikipedia sa pakikisumaro sa 74th National Book Week Celebration kan Camarines Sur Polytechnic Colleges sa Syudad nin Naga. Bunga ini kan pinakainot na hampangan nin mga Pilipinong Wikipedista o Naga Meetup 1 sa Syudad nin Naga.

An pinakainot na Pilipinong komunidad nin mga paraambag sa Wikimedia nabilog sa Naga Meetup 2. Resulta kan harampangan an partisipasyon kan komunidad sa paagi kan eksibit na "Mga Harigi kan Kulturang Bikolnon" sa National Conference on Bicol History and Culture kan Oktobre 21-23, 2009 sa Holy Rosary Minor Seminary sa Syudad nin Naga.

Sa Regional Conference on Reinventing Library Management in the 21st Century na ginibo sa Divine Word College kan Abril 17-19, 2012 saSyudad nin Legazpi], naibalangibog an paggamit kan mga proyekto kan Wikimedia partikularmente an Bikol Sentral Wikipedia sa mga myembro kan Bicol Region Librarians Council (BRLC) tanganing magin talingkas na rekurso sa mga eskwela.

Komunidad kan Wikimedia Philippines[liwaton an gikanan]

Saro an Bikolnon na Komunidad nin Wikimedia sa 4 na komunidad sa nasyon kan Wikimedia Philippines na itinutulod an talingkas, bukas asin buhay na kaaraman. Opisyal na minidbid kan Kabtang an komunidad kan Abril 27, 2012 tanganing magin katuwang sa pagpaurog kan mga proyektong Wikimedia sa lokal na mga tataramon kan rehiyon.

Sadiring proyekto[liwaton an gikanan]