Jump to content

Camalig

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Camalig, Albay)
Camalig
Kinamumugtakan kan Camalig
Kinamumugtakan kan Camalig
Map
Tagboan: 13°7′48″N 123°40′12″E Tagboan: 13°7′48″N 123°40′12″E
NasyonFilipinas
Barangay50
Pamamahala
 • Electorado45,186 votantes (9 Mayo 2022)
Hiwas
 • Kabuuhan130.90 km2 (50.54 sq mi)
Elebasyon
202 m (663 ft)
Populasyon
(Mayo 1, 2020)[1]
 • kabuuhan72,042
 • Densidad550/km2 (1,400/sq mi)
 • Saro
17,031
Economia
 • Klaseprimero klaseng banwaan
 • Ingresos₱231,506,482.82 (2020)
 • Activos₱640,605,345.76 (2020)
 • Pasivos₱106,365,170.67 (2020)
 • Gastos₱198,744,432.33 (2020)
Kodigo nin postal
4502
PSGC
050502000
Kodigo telefonico52
TataramonTataramon na Albay Bikol
tataramon na Tagalog
Websityowww.camalig.gov.ph

An Camalig saróng ikatolóng klaseng banwaan sa provincia kan Albay, Filipinas. An designadong zip code kaini iyo 4502.

Susog sa sensus kan 1 Mayo 2020, igwa ining 72,042 katawong nag-eerok digdi sa 17,031 kaharongan. Igwa ining sukol na 130.90 kilometro kwadrado.

Mga barangay

[baguhon | baguhon an source]

Nababangâ an Camalig sa 50 barangay:

  • Barangay 1
  • Barangay 2
  • Barangay 3
  • Barangay 4
  • Barangay 5
  • Barangay 6
  • Barangay 7
  • Anoling
  • Baligang
  • Bantonan
  • Bariw
  • Binanderahan
  • Binitayan
  • Cabraran Pequeño
  • Caguiba
  • Calabidongan
  • Comun
  • Cotmon
  • Del Rosario
  • Gapo
  • Gotob
  • Ilawod
  • Libod
  • Ligban
  • Mabunga
  • Magogon
  • Manawan
  • Maninila
  • Mina
  • Miti
  • Palanog
  • Panoypoy
  • Pariaan
  • Quinuartilan
  • Quirangay
  • Quitinday
  • Salugan
  • Solong
  • Sua
  • Sumlang
  • Tagaytay
  • Tagoytoy
  • Taladong
  • Taloto
  • Taplacon
  • Tinago
  • Tumpa

Uusipon

[baguhon | baguhon an source]

Sa pag-ultán kan 200 B.K. (Bago ki Kristo) asín 900 A.D., na iyó an periodong amay kan Iron Age, sinasabi na igwá nang mga nag-eerok sa Camalig. Nag-abót an mga Kastila kan taón 1569 sa paghanap nin masasaray na mga suplay nin kakanon. An namayó kan grupong Kastila iyó si Kap. Luis Enriquez de Guzman alagad daí man sindá naghalóy digdí, asín nagbalík tulós sa Panay.

Nareparo kan mga Kastila na dakól dumán nin mga payag-payag na mayong mga lanób asín an mga atóp tiklád na nipâ na ginagamit kan mga tinubò komo sarayán nin pananóm arog kan paroy. Mga "kamalig" an apód kan mga taga-dumán kainí, kayâ iyó na iní an duminukót na pangaran kan nasabing lugar.

An inot na naglaóg na kapadian digdí iyó an mga Augustino na sinundán nin mga Franciscano kan taón 1578. Natugdás an Camalig kan taon 1579 kan mga Franciscanong padì na sindá Fray Pablo dJesus asin Fray Bartolome Ruiz.

Heograpiya

[baguhon | baguhon an source]

Namumugták iní sa pamitisán kan Bulkan Mayon sa gampíng sur-sulnopan asín sakop kan segundo distrito. Napapalibotan an banwaan kan Guinobatan sa norte hanggán sa sulnopan, Daraga sa subangán asín Jovellar sa sur. Kaglimáng (15) kilometro an rayô kainí sa syudad kan Legazpi, asín 516 kilometro sa Metro Manila.

Sa hiwas na 13,088 ektarya, an 73.46% porsyento kainí gamit sa produksyon nin mga pananóm. An 751.26 na ektarya tanoman nin niyog, an 8,472.92 tanoman nin paroy asín an 390.32 ektarya tanoman kan mangibaiba pang pananóm arog kan duma, mais, abaka asin mga bungang kahoy. An natatadâ na lugar may sobrang 50% na pagkabulasok o labíng 1,000 metrong taás sa lebel kan dagat.

Ekonomiya asin Turismo

[baguhon | baguhon an source]

An mga industriya sa banwáng iní iyó an sa agrikultura sa pagtanóm, paggibo nin mga handicrafts, mga gubing o garments, paggibo nin mga gamit halì sa bunot-niyog, paggibo nin semento, asín mga kakanon na pigproseso. Bantóg an Camalig sa maharang niyang pinangat asín digdí pinasikad an nag-aasong kapiyestahan na inapód nindáng Pinangat Festival, na inirinorokyáw poón Hunyo 10 sagkód Hunyo 20.[2]

Mga bantogan na personalidad kan banwaan

[baguhon | baguhon an source]

Si Gary Valenciano sinususog niya an saiyang ginikanan sa Camalig asín siring man si Ms. Boots Anson-Roa. An pinakaenot na Kongresista kan segundo distrito kan Albay na si Justino Nuyda propiong taga-Camalig.

An naghugpâ sa pahina kan Guinness Book of World Records bilang The First Sili King of the World kan taón 1999 iyó an Camalignon na si Eriberto "Bert" Gonzales, Jr. saróng visual artist asín paraboksing asín art designer sa mga jeepney sagkód comic illustrator.

Demograpiko

[baguhon | baguhon an source]
Sensus nin Populasyon kan
Camalig
TaonTawo±% p.a.
1903 14,153—    
1918 19,772+2.25%
1939 22,230+0.56%
1948 25,045+1.33%
1960 32,002+2.06%
1970 38,946+1.98%
1975 41,702+1.38%
1980 46,040+2.00%
1990 49,975+0.82%
1995 53,129+1.15%
2000 58,141+1.95%
2007 60,319+0.51%
2010 63,585+1.94%
2015 66,904+0.97%
2020 72,042+1.47%
Toltolan: Philippine Statistics Authority[3][4][5][6]


Kataytayan nin ladawan

[baguhon | baguhon an source]
  • Munisipyo kan Camalig
    Munisipyo kan Camalig
  • An Bulkan Mayon na nahihiling sa gampi kan Camalig
    An Bulkan Mayon na nahihiling sa gampi kan Camalig
  • Danaw nin Sumlang
    Danaw nin Sumlang
  • Sarong kakaibang halatan na kurting sili
    Sarong kakaibang halatan na kurting sili
  • Saro sa mga lumang harong sa banwaan
    Saro sa mga lumang harong sa banwaan

Toltolan

[baguhon | baguhon an source]
  1. ↑ "2020 Census of Population and Housing (2020 CPH) Population Counts Declared Official by the President". Hulyo 7, 2021.  Check date values in: |date= (help)
  2. ↑ Albay launches 3 festivals in June to boost tourism Archived 2012-06-03 at the Wayback Machine. Manila Standard Today (pighugot 2012-06-25)
  3. ↑ Sensus kan Populasyon (2015). "Rehiyon V (Rehiyon Bikol)". Kabuuhang Populasyon kan lambang Provincia, Syudad, Banwaan asin Barangay. PSA. Retrieved 20 Jun 2016. 
  4. ↑ Census of Population and Housing (2010). "Rehiyon V (Rehiyon Bikol)". Kabuuhan populasyon sa lambang Provincia, Syudad, Banwaan asin Barangay. NSO. Retrieved 29 Jun 2016. 
  5. ↑ Mga Sensus kan Populasyon (1903–2007). "Rehiyon V (Rehiyon Bikol)". Table 1. Population Enumerated in Various Censuses by Province/Highly Urbanized City: 1903 to 2007. NSO. 
  6. ↑ "Province of Albay". Municipality Population Data. LWUA Research Division. Retrieved 17 December 2016. 

Mga panluwas na takod

[baguhon | baguhon an source]
Kinua sa "https://bcl.wikipedia.org/w/index.php?title=Camalig&oldid=261791"