Alkeno

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Sarong 3D na modelo kan ethylene, an pinakasimpleng alkeno

Sa kimika, an alkene (Ingles: alkene) iyo sarong hidrokarburo na igwa nin karbon–karbon na dobleng sugpon.[1]

An termino iyo harus nagagamit bilang sinonimo kan olepino (Ingles: olefin), na iyo, an maski anong hidrokarburo na igwa nin saro o mas dakol na dobleng sugpon.[2] Alagad, an IUPAC nagrerekomenda na gamiton sana an ngarang "alkeno" para sa asiklikong hidrokarburo na may saro sanang dobleng sugpon; alkadieno, alkatrieno, asbp., o polyeno para sa asiklikong hidrokarburo na may duwa o mas dakol na dobleng sugpon; sikloalkeno, sikloalkadieno, asbp. para sa mga sikliko; asin "olepino" para sa heneral na klase — sikliko o asikliko, na may saro o mas dakol na dobleng sugpon.[3][4][5]

An mga asiklikong alkeno, na may saro sanang dobleng sugpon asin mayo nin iba pang minaganag grupo (bistado man bilang mono-eno) minaporma nin sarong homologong serye nin hidrokarburo na may heneral na pormulang CnH2n kun asin an n iyo 2 o mas dakol pa (na iyo mas dikit nin duwang hidroheno kaysa sa korespondanteng alkano). Kun an n iyo apat o mas dakol pa, igwa nin dakul na isomer sa pormulang ini, nabibisto sa posisyon asin kumpormasyon kan dobleng sugpon.

Harus mayong kulay na apolar na kompuwesto an mga alkeno, na iyo may pagkaparehas sa alkano pero mas reaktibo. An pirang enot na miyembro kan serye iyo mga gas o likido sa normal na temperatura. An pinakasimpleng alkeno, an ethylene (C2H4) (o "ethene" sa nomenklaturang IUPAC) iyo an organikong kompuwesto na namomokna sa pinakadakulang sukol sa industriya.[6]

Hilingon man[liwaton | liwaton an gikanan]

Toltolan[liwaton | liwaton an gikanan]

  1. Wade, L.G. (2006). Organic ChemistryFree access subject to limited trial, subscription normally required (6th ed.). Pearson Prentice Hall. pp. 279. ISBN 978-1-4058-5345-3. 
  2. H. Stephen Stoker (2015): General, Organic, and Biological Chemistry. 1232 pages.
  3. IUPAC, Compendium of Chemical Terminology, 2nd ed. (the "Gold Book") (1997). Online corrected version:  (2006–) "alkenes". doi:10.1351/goldbook.A00224
  4. IUPAC, Compendium of Chemical Terminology, 2nd ed. (the "Gold Book") (1997). Online corrected version:  (2006–) "olefins". doi:10.1351/goldbook.O04281
  5. Moss, G. P.; Smith, P. A. S.; Tavernier, D. (1995). "Glossary of Class Names of Organic Compounds and Reactive Intermediates Based on Structure (IUPAC Recommendations 1995)". Pure and Applied Chemistry 67 (8–9): 1307–1375. doi:10.1351/pac199567081307. 
  6. "Production: Growth is the Norm". Chemical and Engineering News 84 (28): 59–236. July 10, 2006. doi:10.1021/cen-v084n034.p059.