Isla nin Tablas

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Mapa kan Romblon, pinakadakulang isla an Tablas
Mapa kan Filipinas kun saen pinapahiling an namomogtakan kan Islang Tablas

An kapuroan nin Tablas iyo an pinakadakula sa mga isla na kinabibilangan kan probinsya nin Romblon, Filipinas. Dati an pangaran kaini Isla nin Osigan na kan inabotan kan mga eksplorador, igwa nin mga 250 katawo na nag'eerok sa saradit na mga baryo.

An Odiongan, sa parteng solnopan sentral kan isla, sarong mayor na doongan asin pinakadakula sa Romblon kun paguurulayan iyo an populasyon. Nagkakabaranga an Tablas sa pag'administrar sa mga minasunod na munisipyo: Alcantara, Calatrava, Ferrol, Looc, Odiongan, San Agustin, San Andres, Santa Fe, asin Santa Maria (Imelda). Sa senso kan 2010, an total na populasyon igdi sa Islang ini nag'abot 157,050 [1]

Heograpiya[liwaton | liwaton an gikanan]

An isla namomogtak 50 kilometro (31 mi) bandang subangan hale sa parteng habagatan kan Isla nin Mindoro. An iswil sa parteng amnayan kan Tablas mga 12 kilometro (7.5 mi) an rayo sa Isla nin Romblon. an Bukid Payaopao sa bandang norte-subangan na poro kan isla, iyo an pinakahalangkaw na alitoktok sa isla na may 2,182 pye (665) na langkaw asin ikaduwang pinakataas sa probinsya, ta an Bukid Guiting-guiting iyo an pinakahalangkaw.[2][3]

Bukid Payaopao

Edukasyon[liwaton | liwaton an gikanan]

An Romblon State University sarong nangengenot na institusyon sa edukasyon sa Rehiyon MIMAROPA. Ini may mahiwas na kampus sa munisipyo nin Odiongan.

Ekonomiya[liwaton | liwaton an gikanan]

An Tablas mayong darakulang industriya. An mayor na pigsisibotan iyo an pagtanom mga gulayon saka mga nagbubungang kahoy, pagsisira, pag'ataman hayop. Igwa man ining mahiwas na patanoman nin pili[4]. An marmol totoo igdi naghahale sa kadakulaan kan Romblon asin iyo ini an ginagamit sa handikraft arog kan mga lamesa, mga manko, asin iba pang pagayon na gamit sa harong. An inuusar man na usong materyal sa lapida iyo an marmol na kadakulan hale man sa Romblon[5]

Lenggwahe[liwaton | liwaton an gikanan]

An lenggwaheng Bisaya na Asi, Romblomanon, Onhan, Hiligaynon iyo an tinatararam igdi asin an Tagalog ikaduwang tataramon. Sa mga turistang dayo, makakaasa sinda sa Ingles na tinataram kan mga estudyante sa kolehiyo.[6]

Turismo[liwaton | liwaton an gikanan]

Busay Mainit

Dai pang gayo nagtatalubo igdi an turismo alagad igwa naman igdi nin mga resort arog kan Binucot Beach Resort asin Bar or Sunset Cove Resort na pareho yaon sa Binucot Beach.

Mga lugar na nakakapadulok[liwaton | liwaton an gikanan]

Baybayon nin Binucot

An isla dakul nanggad na magagayon na tanawon asin dadalanon siring kan mga kabubukiran, kakahoyan na masusumpongan sa paglakawlakaw asin pagbisita sa mga salog asin sipi. Pwede man magbisita sa mga busay o mga lungib sa palibot na tropikal na gayo an atraksyon siring kan Sig-Kop Cave, Mablaran Falls, Garing Falls, asin Mainit Falls. An isla bukid-bukidon. An pinakahalangkaw na bukid iyo an Mr. Payaopao na an langkaw 665 metro (2,182 pye) namomogtak sa munisipyo nin San Agustin. Nin huli ta bako man darayohon, an mga kadagatan kaini asin mga kusa toninong asin solo kan mga madayo igdi na naghahanap nin mga lugar na tago, harayo sa ribok.


Toltolan[liwaton | liwaton an gikanan]

Selyo kan Provincia nin Romblon
Mga Banwaan kan Romblon
Alcantara | Banton | Cajidiocan | Calatrava | Concepcion | Corcuera | Ferrol | Looc | Magdiwang | Odiongan | Romblon | San Agustin | San Andres | San Fernando | San Jose | Santa Fe | Santa Maria
Mga Rehiyon asin Probinsya kan Luzon
Rehiyon Ilocos (I): Ilocos Norte | Ilocos Sur | La Union | Pangasinan
Rehiyon Cagayan (II): Batanes | Cagayan | Isabela | Nueva Vizcaya | Quirino
Rehiyon Sentral na Luzon (III): Aurora | Bataan | Bulacan | Nueva Ecija | Pampanga | Tarlac | Zambales
CALABARZON (IV-A): Batangas | Cavite | Laguna | Quezon | Rizal
MIMAROPA (IV-B): Marinduque | Occidental Mindoro | Oriental Mindoro | Palawan | Romblon
Rehiyon Bikol (V): Albay | Camarines Norte | Camarines Sur | Catanduanes | Masbate | Sorsogon
Admin. Rehiyon Kordilyera (CAR): Abra | Apayao | Benguet | Ifugao | Kalinga | Mountain Province
Rehiyon Nasyunal na Kapitolyo (NCR): Mayong mga provincia