Kimikang pisikal

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Pragmento kan manuskripto ni M. Lomonosov na 'Physical Chemistry' (1752)

An kimikang pisikal (Ingles: physical chemistry) iyo an pag-aadal nin makroskopiko, asin penomena nin partikulo sa mga sistemang kimikal sa prinsipyo, praktika, asin konsepto kan pisika arug kan paghiro, enerhiya, puwersa, oras, termodinamika, kimikang pangkwantum, estadistikong mekanika, dinamikong analitikal, asin ekwelibriyong kimikal.

An kimikang pisikal, sa paglain sa pisikang kimikal, iyo predominante (pero dae pirmi) na makroskopiko o supra-molekular na siyensya, huli ta an mayorya kan mga prinsipyo kun sain ini iyo namokna iyo relatibo sa bulko imbes na sa molekular/atomikong istraktura sana (halimbawa, an ekwelibriyong kimikal asin mga colloids).

Mga konsepto[liwaton | liwaton an gikanan]

An nagkapira sa mga relasyon na mawot masimbagan kan kimikang pisikal iyo kabali an epekto kan:

  1. An mga puwersang intermolekular na minaakto sa pisikal na karakter kan mga materyal (plastisidad, tensilong kusog, pang-ibabaw na tensyon sa mga likido).
  2. An kinetiko kan reaksyon sa rikas kan nasambit na reaksyon.
  3. An pag-identipika nin mga iyono asin an elektrikal na konduktibidad kan mga materyal.
  4. An surface science asin elektrokimika kan mga selulang membrano.[1]
  5. Interaksyon kan sarong lawas sa iba sa paagi nin mga bilang nin init o gibo na inaapod na termodinamika.
  6. An pagbalyo kan init sa tahaw nin sistemang kimikal asin an kapalibotan kaini durante sa pagbabago nin hitsura o nangyayaring reaksyong kimikal na inaapod na termokimika.
  7. Pag-aadal nin mga koligatibong karakter kan bilang nin espesye na yaon sa solusyon.
  8. Bilang nin mga phase, bilang nin mga komposisyon asin an degri kan katalingkasan (o variance) pwedeng maitakod sa kada saro sa tabang kan phase rule.
  9. Mga reaksyon nin elektrokimikang selula.
  10. Kaugalian nin mga sistemang mikroskopiko gamit an mekanikang kwantum asin mga sistemang makroskpiko gamit an estadistikong termodinamiko.

Panluwas na takod[liwaton | liwaton an gikanan]

Toltolan[liwaton | liwaton an gikanan]

  1. Torben Smith Sørensen (1999). Surface chemistry and electrochemistry of membranes. CRC Press. p. 134. ISBN 0-8247-1922-0.