Kondensasyon

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An kondensayon sa bintana sa sarong malipot na aldaw.

An kondensasyon (Ingles: condensation) iyo an pagbabago sa pisikal na istado nin materya gikan sa gas pasiring sa pormang likido, asin an kabaliktaran nin prosesong pagsangaw. An taramon iyo harus pigbibisto sa siklong tubig.[1] Pwede man ini matawan nin depinisyon bilang pagbabago sa istado nin tubig-sangaw pasiring sa likidong tubig kun yaon sa likido o solidong lugar o urap na kondensasyong nukleyi sa laog nin atmospera. Kapag an transisyon nangyari hale sa pormang gas pasiring sa solido nin direkta, an pagbabago iyo inaapod na deposisyon.

Pagpoon[liwaton | liwaton an gikanan]

An kondensasyon iyo napupunan sa pormasyon nin mga atomiko/ molekular na klaster kan mga espesy na yaon sa gas na bolyum—larug kan patak nin uran o pormasyong nyebe sa mga urap—o sa kontak sa tahaw nin pormang gas sagkod sarong likido o solidong lugar. Sa mga urap, pwede ining makatalisa sa paagi nin mga protinang nagnunukleya nin tubig, na nahimo nin mga atmosperikong mikrobyo, na iyo may kakayahan na magdukot nin mga gas o likidong tubig na molekula.[2]

An kondensasyon iyo harus nangyayari kapag an tubig-sangaw iyo napalipot asin/o nakompres pasiring sa saturadong limitasyon kaini kapag an molekular na densidad sa pormang gas naabot an pinakahalangkaw na limitasyon. An pagpapalipot nin tubig-sangaw asin pagkompres na mga kagamitan na minakolekta nin mga kondensadong likido iyo inaapod na "kondenser".

Rebersibilidad na mga pangyayari[liwaton | liwaton an gikanan]

Nagkapirang mga aram na rebersibilidad na pangyayari iyo nagluwas huli sa karakter nin lugar.

  • absorpsyon sa luwas nin sarong likido (sa parehas na substansya o saro sa mga pantunaw kaini)—iyo rebersible bilang ebaporasyon.[1]
  • adsorpsyon (bilang dew na mga patak) sa solidon luwas sa presyon asin temperaturang mas halangkaw kaysa tripleng punto nin espesye—iyo rebersible man bilang ebaporasyon.
  • adsorpsyon sa solidong luwas bilang suplemental na lebel nin solido) sa presyon asin temperatura na mas hababa sa tripleng punto nin espesye—iyo rebersible bilang sublimasyon.

Mga aplikasyon nin kondensasyon[liwaton | liwaton an gikanan]

Sa mga cloud chambers, an likido (minsan tubig, pero harus isopropanol) nagkokondensa sa pagkontak kaini sa sarong partikulo nin radiasyon na minahimo nin epektong kaparehas sa contrails

An kondensasyon iyo sarong krusyal na komposisyon nin distilasyon, na iyo sarong importanteng pang-laboratoryo asin industriyal na aplikasyon sa kimika.

Huli ta an kondensasyon iyo sarong natural na pangyayari, pwede ining magamit sa paghimo nin tubig sa dakul na kantidad para sa kagamitan nin katawohan. Nagkapirang mga istraktura iyo ginibo sana sa obheto na makakolekta nin tubig hale sa kondensasyon, arug nin mga air wells asin fog fences. An mga sistemang ini pwedeng magamit sa pagmamantinar nin pagkabasa nin daga sa mga lugar na may aktibong desertipikasyon—kun sain ngani pati mga nagkapirang mga organisasyon iyo nagtutukdo sa mga tawo sa apektadong lugar manungod sa konseptong ini ngarig makatabang sa saindang sitwasyon.[3]

Ini iyo saro man na krusyal na proseso sa pagbilog nin partikulong agihan sa sarong cloud chamber. Sa kasong ini, an mga ion iyo nahihimo nin sarong insidenteng partikulo na minaakto bilang sentro nin nukleaksyon para sa kondensasyon nin mga tubig-sangaw na minaporma nin nahihiling na agihan nin urap.

An mga komersyal na aplikasyon nin kondensasyon, nin mga konsumidores pati naman an industriya, iyo kabali an paggibo nin kuryente, desalinsayon nin tubig,[4] pagmanehar nin temperatura,[5] refrigeration,[6] asin air conditioning.[7]

Pagsukol[liwaton | liwaton an gikanan]

An sikrometriya nagsusukol kan rikas nin kondensasyon sa paagi nin ebaporasyon pasiring sa humidad nin manlainlain na atmosperikong presyon asin temperatura. An tubig iyo an produkto kan kondensasyon nin tubig-sangaw kaini—kun sain an kondensasyon iyo an proseso sa nasambit na kaliwatan sa porma.

Hilingon man[liwaton | liwaton an gikanan]

Toltolan[liwaton | liwaton an gikanan]

  1. 1.0 1.1 IUPAC, Compendium of Chemical Terminology, 2nd ed. (the "Gold Book") (1997). Online corrected version:  (2006–) "condensation in atmospheric chemistry". doi:10.1351/goldbook.C01235
  2. Schiermeier, Quirin (2008-02-28). "'Rain-making' bacteria found around the world". Nature. https://www.nature.com/news/2008/080228/full/news.2008.632.html. 
  3. FogQuest - Fog Collection / Water Harvesting Projects - Welcome Archived 2009-02-23 at the Wayback Machine.
  4. Warsinger, David M.; Mistry, Karan H.; Nayar, Kishor G.; Chung, Hyung Won; Lienhard V., John H. (2015). "Entropy Generation of Desalination Powered by Variable Temperature Waste Heat". Entropy 17 (11): 7530–7566. doi:10.3390/e17117530. Bibcode2015Entrp..17.7530W. 
  5. White, F.M. ‘Heat and Mass Transfer’ © 1988 Addison-Wesley Publishing Co. pp. 602–604
  6. Q&A: Microchannel air-cooled condenser; Heatcraft Worldwide Refrigeration; April 2011; "Archived copy" (PDF). Archived from the original (PDF) on 2012-04-17. Retrieved 2013-02-20.  Unknown parameter |url-status= ignored (help)
  7. Enright, Ryan (23 Jul 2014). "Dropwise Condensation on Micro- and Nanostructured Surfaces". Nanoscale and Microscale Thermophysical Engineering 18 (3): 223–250. doi:10.1080/15567265.2013.862889. Bibcode2014NMTE...18..223E. https://dspace.mit.edu/bitstream/1721.1/85005/1/Dropwise%20Condensation%20on%20Micro-%20and%20Nanostructured%20Surfaces.pdf.