Lyndon Salcedo
Si Lyndon Salcedo (namundag kan Oktobre 19, 1976 sa Canaman, Camarines Sur, Camarines Sur) sarong Bikolanong kompositor asin taga-areglo nin musika asin paratukdo sa Central Bicol State University of Agriculture sa Sipocot, Camarines Sur.[1] Saro sa saiyang mga komposisyon iyo an kantang Yaon Saen ka Na na nagin pinalista sa Tanog Bikol: Bicol Music Festival Reloaded 2017.[2]
Gikan sa pamilya nin mga musiko, si Salcedo makuapo kan kompositor kan musika nin lagaylay sa Canaman, Camarines Sur na si Carlos Sto. Tomas Salcedo. Siya nakanood magtogtog nin byolin kan yaon sa elementarya sagkod manodan an iba pang mga instrumento sa sekundarya.[3]
Si Salcedo direktor nin musika kan probinsyal na gobyerno kan Camarines Sur poon 2003 sagkod 2009. Bago kaini, nagin man siyang direktor nin banda kan Ateneo de Naga na Unibersidad. Siya an pinakahuben na nagin direktor nin banda kan sarong kolehiyo sa Kabikolan.
Hilnga man[baguhon | baguhon an source]
Toltolan[baguhon | baguhon an source]
- ↑ Jessica Yu. All Of Burabod Musika’s Musical Tributes To CovAID Art Archived 2023-06-04 at the Wayback Machine. Best of Bicol (pighugot 2023-06-04)
- ↑ BICOL MUSIC FESTIVAL RELOADED 2017: The Search for Tanog Bikol Bicol Mail (pighugot 2023-6-7)
- ↑ Paz Verdades M. Santos asin Jaime Jesus Borlagdan. Sa: Lyndon Salcedo. BURABOD: Original Bikol Music. LJ Graphics & Literacy Exponent, Inc. (mayong taon nin publikasyon)
