Inhinyeriyang mekanikal
An inhinyeriyang mekanikal (Ingles: mechanical engineering) iyo an inhenyeriyang sanga na minasalak sa pisikang pang-inhenyeriya asin mga prinsipyo kan matematika sa siyensyang pangmateryales sa pagdisenyo, pag-analisa, pag-manupaktura, asin pag-mantinir kan mga sistemang mekanikal.[1] Saro ini sa mga pinakagurang asin pinakamahiwas na sanga nin inhenyeriya.
An lado kan inhinyeritang mekanikal iyo kinakaipo an pag-intindi sa mga basehang konsepto arug kan mekanika, dinamika, termodinamika, siyensyang pangmateryales, istraktural na analisis, asin kuryente. Dugang sa mga panlaog na prinsipyong ini, an mga inhinyerong mekanikal iyo may mga kagamitan arug kan computer-aided design (CAD), computer-aided manufacturing (CAM), asin product lifecycle management sa pagdisenyo asin pag-analisa nin mga plantang pangmanupaktura, industriyal na kagamitan asin makinerya, sistemang pampainit asin pampalipot, sistemang pagbalyo, aircraft, watercraft, robotika, kagamitang pangmedikal, armas, asin iba pa. Ini an sanga kan inhenyeriya manungod sa pagdisenyo, paghimo, asin operasyon nin makinerya.[2][3]
An inhinyeriyang mekanikal iyo nagluwas bilang sarong lado durante kan Rebolusyong Industriyal sa Europa kaidtong ika-18 na siglo; alagad, an pagkahaman kaini iyo hale pa ribong taon na an nakaagi sa kinaban. Kan ika-19 na siglo, an pagkahaman nin pisika iyo an nagtaong dalan sa pagkahaman nin siyensya kan inhenyeriyang mekanikal. An lado iyo padagos na nag-uuswag; sa ngunyan an mga inhinyerong mekanikal iyo nagpupursigi nin pag-uswag sa mga lado arug nin komposito, mekatronika, asin nanoteknolohiya. May pagsabat man ini sa inhinyeriyang aeroespasyo, inhinyeriyang metalurhikal, inhinyeriyang sibil, inhinyeriyang elektrikal, inhinyeriyang pangmanupaktura, inhinyeriyang pangkimika, inhinyeriyang pang-industriya, asin iba pang displina nin inhenyeriya sa baryenteng bilang. An mga inhinyerong mekanikal iyo pwede man magtrabaho sa lado nin inhinyeriyang biyomedikal na ispesipiko sa biyomekanika, pangyayaring pagbalyo, biyomekatronika, biyonanoteknolohiya, asin pag-modelo nin mga sistemang biyolohikal.
Padagos na pagbasa
[baguhon | baguhon an source] |
An Wikimedia Commons igwa nin medya dapit sa Inhinyeriyang mekanikal. |
- Burstall, Aubrey F. (1965). A History of Mechanical Engineering. The MIT Press. ISBN 978-0-262-52001-0.
- Marks' Standard Handbook for Mechanical Engineers (11 ed.). McGraw-Hill. 2007. ISBN 978-0-07-142867-5.
- Oberg, Erik; Franklin D. Jones; Holbrook L. Horton; Henry H. Ryffel; Christopher McCauley (2016). Machinery's Handbook (30th ed.). New York: Industrial Press Inc. ISBN 978-0-8311-3091-6.
Toltolan
[baguhon | baguhon an source]- ↑ "What is Mechanical Engineering?".
- ↑ engineering "mechanical engineering". The American Heritage Dictionary of the English Language, Fourth Edition. Retrieved: 19 September 2014.
- ↑ "mechanical engineering". Webster's Dictionary. Retrieved: 19 September 2014.
Pinopoonan an artikulong ini sa Siyensya. Makakatabang ka sa Bikol Wikipedia sa pagparambong kaining pahina.