Jump to content

Mia Tijam

Gikan sa Bikol Sentral na Wikipedia, an talingkas na ensiklopedya
Mia Tijam
KasibotanParasurat
NasyunalidadFilipino
LahìBikolano
GenreSaysay, usipon
Bantog na giboFlowers for Thursday: Stories

Si Mia P. Tijam sarong kagubay na Bikolanang parasurat sa tataramon na Ingles. Siya nagtapos nin BA Creative Writing sa Unibersidad kan Pilipinas, Diliman. Nagsusurat siya nin mga saysay asin sarong katood na parasurat sagkod kapwa-tagapakarhay kan Philippine Speculative Fiction Sampler. Nagluwas an saiyang mga panurat sa Philippines Free Press, Philippine Speculative Fiction anthologies, Philippine Genre Stories, asin Expanded Horizons; kun sain ini tinawan nin merito nin Honorableng Sambit sa kategoryang Best Fantasy & Horror kan 2008, pinalista sa 2009 Philippines Free Press Literary Awards, nakabali sa Charles Tan’s Best of Philippine Speculative Fiction 2009, UP Press Best of Philippine Speculative Fiction 2005-2010[1], asin the 2012 Mariner Awards.

Taon 2021, ipigluwas an saiyang inot na koleksyon nin mga usipon sa Ingles na Flowers for Thursday: Stories na ipinublikar kan Ateneo de Naga University Press. Tampok sa libro an anom na istorya.[2] Kaiba si Herminio S. Beltran, Jr. bilang editor, si Tijam iyo na special section editor kan Ani 41: Lakbay, an opisyal na panliteraryong dyornal kan Intertextual Division kan Sentrong Pangkultura kan Filipinas (CCP) tampok an 146 na panurat kan mga bago asin beteranong mga parasurat kabali an mga panura sa tataramon na Ingles asin nagkapirang mga tataramon na Pilipino siring kan Filipino, Bikol, Pangasinan, Sebwano, Bisaya, Waray-waray, Hiligaynon, asin Kankanaey.[3]

Hilnga man[baguhon | baguhon an source]

Toltolan[baguhon | baguhon an source]

Mga panluwas na takod[baguhon | baguhon an source]