Padurunongan 2015
An Ikaanom na Padurunongan sa Canaman, Camarines Sur ginibo kan Agosto 20, 2015 bilang parte kan selebrasyon kan anibersaryo kan pagkamuknâ kan banwaan asin kan Bulan nin Tataramon sagkod Bulan nin Kasaysayan. Pinadalagan ini kan lokal na gobyerno sa pakikipagtabangan kan Departamento kan Edukasyon sa banwaan nin Canaman asin kan Sumaro Bikolnon.
Pinadrinohan ini kan Parasurat Bikolnon, Apolonio B. Sto. Tomas Foundation, Emma Saavedra Manaog Foundation, Quikblox Builders asin nin mga indibidwal na nagtutulod kan kulturang Bikolnon.
Resulta
[baguhon | baguhon an source]Sa inot na pagkakataon, nagbali an Palo Elementary School na iyong nakagunò kan kampeonato sa Tigsik huli sa eskwelang si Reyna B. Yocampo siring man an Kurtland Grade School na iyo man an kampeon sa Dama nin Tataramon sa ngaran ni Kane Randy P. Beringuela. Nagunò kan Kurtland Grade School an Tropeo nin Kampeonato huli ta nakua man kaini an ikaapat na lugar sa Tigsik asin igwa man ining parakawat sa Bikol Quiz, bagay na nakalamang sa gabos na nagpartisipar na eskwelahan.[1]
An mga paratukdô na sinda Joel Clarianes (Tariric Elem. School) asin Gilbert Sto. Tomas (Manapao Elem. School) kan Minalabac District asin Edwin Dela Torre kan Sirangan Art Commune, iyo an nagin mga hurado sa patiribayan sa Tigsik.
| Blg. | Eskwelahan | Bikol Quiz | Dama nin Tataramon | Tigsik | Kagabsan |
|---|---|---|---|---|---|
| 1 | Calambog Elementary School | Ika-2ng Premyo | Ika-4 na Lugar | Ika-5ng Lugar | |
| 2 | Canaman Central School | Ika-6 na Lugar | Ika-6 na Lugar | Ika-2ng Premyo | |
| 3 | Haring-San Agustin Elem. School | Ika-3ng Premyo | Ika-3ng Premyo | Ika-6 na Lugar | Kampeon sa Bikol Quiz kan nakaaging 2ng taon |
| 4 | Kurtland Grade School | Ika-7ng Lugar | Kampeon | Ika-4 na Lugar | Pagkagabsan na Kampeon; inot na kampeonato sa Padurunongan |
| 5 | Mangayawan Elementary School | Ika-6 na Lugar | Ika-2ng Premyo | Ika-3ng Premyo | Kampeon sa Tigsik kan nakaaging 2ng taon |
| 6 | Palo Elementary School | mayò | mayò | Kampeon | Inot na kampeonato sa Padurunongan |
| 7 | Poro Elementary School | Kampeon | Ika-7ng Lugar | Ika-7ng Lugar | Ikaduwang sunod na kampeonato sa Bikol Quiz |
| 8 | San Francisco Elem. School | Ika-4 na Lugar | mayò | mayò | |
| 9 | Tacolod Elem. School Main | Ika-5ng Lugar | Ika-5ng Lugar | mayò |
Gawad nin Pagmidbid ki Clemente Alejandria
[baguhon | baguhon an source]Ginawadan sa okasyon si Clemente Alejandria nin pagmidbid kan Sumaro Bikolnon na inirepresentar ni Kagawad Nathan Sergio kan Syudad nin Naga nin Plake nin Pagpapadios Mabalos na inakò kan akì ni Alejandria na si Lucia. Nagin bisitang tagapagtaram sa okasyon si Kristian Sendon Cordero, sarong paratukdô sa Ateneo de Naga na Unibersidad asin sarong premyadong parasurat sagkod direktor nin pelikula.
Kataytayan nin ladawan
[baguhon | baguhon an source]-
Kawat na Dama nin Tataramon
Toltolan
[baguhon | baguhon an source]- ↑ Alejandria tinàwan onra sa Bulan nin Tataramon Archived 2016-03-06 at the Wayback Machine. Panitikan.com.ph (pighugot 2015-08-25)
