Parasurat Bikolnon

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Parasurat Bikolnon rehistrado sa Securities and Exchange Commission bilang Parasurat Bikolnon, Inc. (PB), sarong kasararoan nin mga parasurat na Bikolano sa rehiyon Bikol.[1][2] Itinugdas ini kan Abril 17, 2010 sa kamàwotan na masimbagan an pangangaipo sa pag-adal asin pagmidbid sa marhinal na mga parasurat.[3] Igwa ining kabtang na organisasyon sa Calabanga, Camarines Sur[4] asin Virac, Catanduanes.[5] Inaapod man sa manlainlain na salang ngaran (tuyo o dai tuyo) siring kan Pagsurat Bikolnon[6] asin Parasurat Bikol.[7]

Organisasyon[liwaton | liwaton an gikanan]

Igwa an organisasyon nin taonan na workshop para sa mga bàgong parasurat na pinònan kan 2011, an Saringsing Writers Workshop. Abril kan 2012, ipinublikar kaini an sarong antabay sa ortograpiya, pagbaybay asin paggamit nin mga diyakritiko para sa tataramon na Bikol Sentral kan 2012.[8] An organisasyon igwa nin publikasyon sa ngaran na Saringsing na pinapamahalaan ni Jerome Hipolito bilang tagapakarhay.[9][10]

Pinadrinohan kaini sagkod kan Bicol Mail an TigsTXT, sarong bulanan na patiribayan sa pagtigsik gamit an cellphone bilang behikulo siring man an Padurunongan, sarong taonan na patiribayan sa Bikol Quiz, Tirigsikan sagkod Dama nin Tataramon kan mga eskwela sa DepED Canaman District sa pakikipagtabangan kan lokal na gobyerno kan banwaan nin Canaman, Camarines Sur, Apolonio B. Sto. Tomas Foundation asin DepEd Canaman District kan 2012 sagkod 2014.[11][12][13]

Kabilang sa mga aktibong myembro digdi iyo sinda Jerome Hipolito, Marissa Reorizo-Redburn, Irvin Sto. Tomas, Elbert Baeta, Froy Beraña, Julius Bulahan, Ian Kenneth Orasa, Ryan Cuatrona, Honesto Pesimo, Jr. asin iba pa.

Mga katuyohan[liwaton | liwaton an gikanan]

Katuyohan kan Parasurat Bikolnon an:

  1. maitulod an pagpangataman asin pagpatalubo kan manlainlain na tataramon na Bikolnon sa paagi nin mga pag-adal, publikasyon, akademya, asin pampagbalangibog sagkod elektronikong mga paagi;
  2. magin lindong nin mga organisasyon kan mga indibidwal na parasurat asin kasararoan nin mga parasurat bilang sarong dalan para mga pangangaipo kan mga ini sa pagpaorog kan mga panurat panliteratura, pangmatalingkas na pagpahayag, pampag-adal asin pan-relihiyon sa manlainlain na tataramon na Bikolnon;
  3. makahaman nin mga programa asin mga gibo-gibo para sa mga parasurat na Bikolnon na matiripontipon para sa pagpaorog kan saindang mga kabatiran sagkod kan manlainlain na tataramon na Bikolnon; asin
  4. maipadagos an danay na relasyon sa ibang lokal asin pangkinaban na mga kasararoan nin mga parasurat.

Mga pamayo[liwaton | liwaton an gikanan]

Poon kan ini mamuknâ, nagkaigwa na nin anom na pamayo an grupo. An organisasyon inot na pinamayohan ni Bernardo Miguel Aguay Jr.[14][15][16] Si Elbert Baeta an presenteng pamayo kan organisasyon sagkod sa Abril 17, 2019.

Pangaran Ginikanan Termino Katungdan
Bernardo Miguel Aguay Jr. Calabanga, Camarines Sur Abril 17, 2010 – Abril 17, 2012 Sadiring pagmidbid/saro sa mga kagmukna
Abril 17 – Hulyo 7, 2012 Pinili kan mga myembro
Pebrero 22 - Abril 20, 2013 Pagpadagos
Marissa Redburn San Pascual, Masbate Hulyo 7, 2012 – Pebrero 22, 2013 Kagsalida paramyentras/Bise-Presidente
Abril 20, 2013 – Oktobre 12, 2013 Pinili kan mga myembro sa Taonan na Miting
Digna Ruth Daliva Magarao, Camarines Sur Oktobre 12, 2013 - Abril 17, 2014 Pinili kan mga myembro sa Espesyal na Miting
Abril 17 - Desyembre 23, 2014 Bakante; Pagpadagos
Froy Beraña Syudad nin Iriga, Camarines Sur Desyembre 23, 2014 - Abril 17, 2015 Pinili kan mga myembro sa Espesyal na Miting
Abril 17, 2015 - Abril 17, 2016 Pagpadagos
Irvin Sto. Tomas Canaman, Camarines Sur April 17, 2016 - Abril 17, 2017 Pinili kan mga myembro sa Taonan na Miting
Julius Bulahan Syudad nin Naga, Camarines Sur April 17, 2017 - Abril 17, 2018 Pinili kan mga myembro sa Taonan na Miting
Elbert Baeta Syudad nin Iriga, Camarines Sur April 17, 2018 - Abril 17, 2019 Pinili kan mga myembro sa Taonan na Miting

Mga publikasyon[liwaton | liwaton an gikanan]

Katuyohan man kan organisasyon iyo an maitulod an pagpangataman asin pagpatalubo kan manlainlain na tataramon na Bikolnon sa manlainlain na paagi. Sa paagi kan publikasyon. Surusadiring naipalagda kaini an mga minasunod:

  1. Mga Labod sa Daghan kan Bulod (2011) ninda Marissa Redburn asin Jocelyn Bisuña
  2. TULA.K.ARATULA (2011) ni Buboy Aguay
  3. Posporo, Kan Mag-ati an Tubig sa Dagat (2012) ni Buboy Aguay
  4. For-Guy (2012) ni Buboy Aguay
  5. Pulitika ng Paghuhubad (2012) ni Buboy Aguay
  6. Antabay sa Ortograpiya nin Bikol Sentral (2012)[17] ni Irvin Sto. Tomas
  7. #lapigotpa: mga rawitdawit (2016)[17] ni Irvin Sto. Tomas
  8. Bungkaras, ika na man: mga rawitdawit (2016)[17] ni Irvin Sto. Tomas
  9. Gapo: mga rawitdawit (2016) ni Elbert Baeta
  10. DAMA NIN TATARAMON (2016)[17] ni Irvin Sto. Tomas
  11. Ginisang Poesia: pinirilian na rawitdawit (2016)[17] ni Irvin Sto. Tomas, Anthony Diaz asin Ian Kenneth Orasa
  12. Ginisang Poesia: pinirilian na rawitdawit (2017)[17] ni Irvin Sto. Tomas, Anthony Diaz asin Ian Kenneth Orasa

Poon kan 2016, nagpapartisipar an organisasyon sa Better Living Through Xeroxography sa syudad nin Naga.

Kataytayan nin mga ladawan[liwaton | liwaton an gikanan]

By-Laws kan Parasurat Bikolnon, Inc. (2012)[liwaton | liwaton an gikanan]

Toltolan[liwaton | liwaton an gikanan]

  1. Elementary pupils compete in Padurunongan contest Canaman.gov.ph (pighugot 2012-10-2)
  2. Bikol poets, performing artists converge for ailing poetess Panitikan.com.ph (pighugot 2012-01-22)
  3. Kasaysayan kan Pagkakamukna Parasurat Bikolnon Inc. (2012)
  4. San Miguel Bay Writers Workshop now open to applicants Bicol Standard
  5. SurTe confers Gov. Cua honorary membership Catanduanes Tribune
  6. Halaga kan Literatura sa Sosyedad Bikol Reporter. Abril 17-23, 2016. (pighugot 2019-01-29)
  7. Kristian Cordero. Marissa Reorizo-Redburn sa ''An Satuyang Kakanon sa Aroaldaw'' (NCCA, 2015) pahina 251
  8. Sto. Tomas, Irvin P., Parasurat Bikolnon Inc. Ortograpiya Bla Bla Bla! Antabay sa Ortograpiya nin Bikol Sentral (Don Quixote Press, 2012)
  9. Saringsing Blg. 1 Taon 1 (2012)
  10. Parasurat Bikolnon. Resolusyon 2013-4-21: Komite sa Publikasyon
  11. TigsTXT: ANTABAY KAN PAGPADALAGAN KAN PATIRIBAYAN (pighugot 2012-12-Desyembre 29)
  12. TigsTXT: tigsik via text contest for February and March pighugot 2013-1-Enero 30)
  13. Parasurat Bikolnon. Uusipon
  14. Mga tagapagtaram sa Kumperensya, Ikaapat na Pagsurat-Bikol 2012. Ateneo de Naga University. Abril 29-30, 2012.
  15. Elementary pupils compete in Padurunongan contest Canaman.gov.ph (pighugot 2012-10-2)
  16. Parasurat Bikolnon. Resolusyon 2013-10-12: Mga Bagong Opisyal kan Organisasyon
  17. 17.0 17.1 17.2 17.3 17.4 17.5 Igwa nin mga kopya sa Libraryo nin James O'Brien SJ sa Ateneo de Naga na Unibersidad

Hilingon man[liwaton | liwaton an gikanan]

Mga takod panluwas[liwaton | liwaton an gikanan]