Pagbabagong pisikal

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An pagkaliwat nin tubig pasiring sa porma nin gas huli sa dugang na enerhiya iyo sarong halimbawa nin pagbabagong pisikal.

An mga pagbabagong pisikal (Ingles: physical change) iyo an pagbabago na nakakaapekto sa porma nin sarong kimikal na substansya, pero bako sa kimikal na komposisyon kaini. An mga pagbabagong pisikal iyo nagagamit sa pagsuway nin mga salak pasiring sa mga kompuwestong komposisyon ninda, pero harus dae pwede magagamit sa pagsuway nin mga kompuwesto pasiring sa mga elementong kimikal o sa mas simpleng kompuwesto.[1]

An mga pagbabagong pisikal iyo nangyayari kapag an bagay o substansya iyo napasairarom sa pagbabagong dae nagbabago nin saiyang kimikal na komposisyon. Ini iyo kabaliktadan kan konsepto nin pagbabagong kimikal kun sain an komposisyon kan substansya iyo naliliwat. Sa heneral, an pagbabagong pisikal iyo naibabalik liwat gamit an pisikal na paagi. Halimbawa, an asin na natunaw sa tubig iyo maibabalik liwat kun papasangawon an tubig.

Mga katakod na karakter[liwaton | liwaton an gikanan]

An pagbabagong pisikal iyo katakod kan pagbabago sa pisikal na karakter. Halimbawa kan mga pisikal na karakter iyo an pagkatunaw, transisyon pasiring sa gas, pagbabago nin kusog, pagbabago nin durabilidad, pagbabago sa kristal na porma, pagbabago sa tekstura, hugis, sukol, kulay, bolyum, asin densidad. Sarong halimbawa man iyo an proseso kan pagtemperar nin "steel" para makahimo nin tarom sa kutsilyo.

Nagkapirang pagbabagong pisikal man an nagliliwat kan posisyon nin mga atomo para makaporma nin mga kristal. Pirang mga pagbabagong kimikal an dae naibabalik liwat, asin nagkapirang mga pagbabagong pisikal an naibabalik liwat, pero an rebersibilidad iyo dae siguradong kriterya para sa klasipikasyong ini. Alagad an mga pagbabagong kimikal iyo mabibistado sa mga indikasyong arug kan parong, pagbabago sa kulay, o pagluwas nin gas, pwede man na hale an mga indikasyong ini sa pagbabagong pisikal.

Mga pagbabago sa istado nin materya[liwaton | liwaton an gikanan]

Pagbabagong pisikal nin materya ()
basic Pasiring sa
Solido Likido Gas Plasma
Gikan sa Solido Pagkatunaw Sublimasyon
Likido Pagyelo Pagsangaw
Gas Deposisyon Kondensasyon Iyonisasyon
Plasma Rekombinasyon

Hilingon man[liwaton | liwaton an gikanan]

Toltolan[liwaton | liwaton an gikanan]

  1. Zumdahl, Steven S. and Zumdahl, Susan A. (2000), Chemistry, Houghton Mifflin, 5th ed., p. 27 ISBN 0-395-98583-8