Palagadan
An palágádan sarong klaseng paroy na baranáy (o pwede man may barayting pulotan kaini), alagad ini mairom sa kolor kun binagás na, asin nagkokolor lila kun luto na. Ini parati sinasalák sana man sa mga sinapnang pulotan o mga lutong koro-kakanon arog kan ibos, latik, binotong, sinuman ngani magtaong kolor asin hamot ta an bagas na ini mahamot an hamyo.
An palagadan, siring sa bursigi, sarong paroy na mas natubo sa badáng asin sa mga bakilid na lugar kan bukid, bako sa kabâsan o sa lugar na matubig.
