Jump to content

Pulau Ujong

Gikan sa Bikol Sentral na Wikipedia, an talingkas na ensiklopedya

An Isla kan Singapur, o Pulau Ujong, iyo an main constituent island kan soberanong islang nasyon asin syudad-estado kan Republika kan Singapur. Iyan namomogtak sa pinakakaibabang puro kan Malay Peninsula, sa pag-ultanan kan Straits of Malacca asin an South China Sea. An Itiot kan Singapur namomogtak sa habagatan, mantang an Itiot kan Johor namomogtak sa amihanan. Poon kan Hunyo 2021, an populasyon kan Singapur igwa nin 5.45 milyon asin an kadagaan igwa nin sukol na haros 710 square kilometres (270 sq mi).[1]

Sa Mandarin inaapod ining 新加坡, Xīnjiāpō; sa Malay, Singapura, sa Tamil சிங்கப்பூர், Cingkappūr.

An British East India Company iyo an enot na nagkaag nin estasyon sa kumersyo igdi kan taon 1819 asin sa palibot kaini abot sa may nganga-an kan Salog Singapur mga Malayong parasira an nakaerestar. Pira man na gatos na mga Orang Laut na kadaklan kan enot mga pirata an nageerok sa mga kosa kaini asin sa mga sipi asin duman sa mga saradit pang isla.

An mga Britaniko ginamit an Singapur na estasyon nin komersyo na nagsusunod sa ruta kan rekado. Ngapit nagin ini saro sa pinaka-importanteng sentro militar asin komersyal kan Imperyhong Britaniko. Kan masakop ini kan mga Hapon kan Guerra Mundial II, sinabi ni Winston Churchill na saro ini sa makuring kadaogan kan Britanya. Kan madaog an Hapon sa guerra, nakabalik ini sa Britanya. Dangan kan 1963, nakisaro ini sa Malaya, Sabah asin Sarawak sa pagbilog kan estadong Malaysia. Kulang-kulang duwang taon, naglitik sa grupo asin kan Agosto 9, 1965 nagsadiri siyang magin sarong independienteng Republika. Nagin siyang myembro kan United Nations Septyembre 21, sa parehong taon.

Poon kan ini nagtindog na sa sadiri, nag-asenso nang maray an pamumuhay kan mga namanwaan. Mga investment haleng luwas asin an makusog na industrialisasyon na nagsususog sa mga planong minukna kan si Holandes na si Albert Winsdemius nagtogdas nin sarong modernong ekonomiya na base sa electronics manufacturing, petrochemicals, turismo, asin mga serbisyo pinansyal apwera pa kan dati niyang import-export.

An Singapur ika-17 sa mga mayayaman na nasyon kun GDP per capita an pagoolayan. Igwa siya nin natagamang foreign exchange reserves na umabot nang US $ 171.7353 bilyon.

An populasyon kan Singapur uminabot nang 4.68 milyon, asin mayoria kaini mga Insik. Ingles man an lenggwahe administratibo igdi.

An Konstitusyon kan Republika nin Singapur itinogdok an sarong sistema politikal na demokrasya representatibo manta ini binibisto na sarong republika na de parlamento. An People's Action Party (PAP) iyo an partido politikal na nagdodominar asin pirme nakukua an kontrol kan Parlamento poon pa kan taon 1956. [1]

Toltolan[baguhon | baguhon an source]

  1. "Statistics Singapore – Population". Department of Statistics Singapore. Retrieved 25 June 2021.