Jump to content

Wikipedia:Bulan kan Asya nin Wikipedia 2024

Magdagdag nin link
Gikan sa Bikol Sentral na Wikipedia, an talingkas na ensiklopedya
Wikipedia Asian Month 2024

An Bulan kan Asya nin Wikipedia sarong online editing contest tanganing maparahay an pagkakasinabotan kan mga komunidad nin Wikipedia sa Asya, ngunyan na bulan nin Nobyembre 2024. An katuyohan kan Bulan kan Asya sa tataramon na Bikol Sentral iyo na madugangan asin mapakarhay an mga artikulo dapit sa mga Asyanong nasyon kabali an Filipinas.

An paraambag na makakagibo nin pinakadakol na mga artikulo gagawadan nin "Wikipedia Asian Month Golden Award".

  • Bilang kasumarò sa pagkakaaramigo kan Komunidad nin Wikipedia kan Asya, an lambang partisipante mahanap nin mga ulayon dapit sa Asya asin mapoon nin bagong artikulo na dai pa naisusurat.
  • An mga artikulo kaipohan nakasentro sa mga lugar na sakop kan Asya asin mga bagay-bagay na katakod sa kulturang Asyano.
  • Tanganing mabilang an saimong ambag, kaipohan igwang dai mababa sa 3,000 bytes asin igwang reliable resources an saimong artikulo. Makakakua nin WAM Banstar an lambang partisipante na makakagibo nin dai mababa sa 4 na artikulo asin pwedeng makabilang sa makakakua kan WAM Barnstar of the year.

Tema kan Taon

An Asya sarong mahiwas na rehiyon! Ini an pinakadakulang kadagaan sa kinaban siring man kadagatan kun sain yaon an kadakol na mga isla. Bakong madaling maintindihan an pagkakaiba-iba kan natural na tanawon asin kultura kaining mahiwason na rona. Digdi sa Wikipedia Asian Month, naglalaom kami na makapili nin tema para sa kampanya lambang taon, dangan maka-enganyar nin mga partisipante na mapahalagahan an sarong mahiwas na kontinenteng ini.

Limang (5) tema para sa taon na ini

  • Literatura gikan sa mga Asyanong nasyon na dai pa nakakaresibing gawad na Nobel Prize sa Literatura
  • Kasaysayan kan panahon nin Kolonisasyon sa Asya
  • An pagdatong kan demokrasya sa Indo-Pasipikong rehiyon
  • Mga atletang babaeng Muslim
  • Mga prinoprotehiran na mga hayop asin pananom sa Sentral na Asya

An 2024 Nobel Prize in Literature iginawad ki Han Kang. Igwa pa daw nin ibang mga nasyon na dai pa nakakasungkit kan prestihiyosong gawad alagad igwa nin matitibay na mga panurat? Diskubrehon ta ini! Kadaklan kan mga lugar sa Asya naka-eksperyensya nin kolonlyalismo na nagkaigwa nin dakulang epekto sa kultura, politika, asin ekonomiya kan manlainlain na nasyon. Dawa na interesado kan sa historya kan kolonisasyon, makasaysayan na mga lugar, o iba pang mga institusyon, aramon ta an mga kaaraman na nakapalaman sa satong kasaysayan. An inaapod na Free and Open Indo-Pacific (midbid man sa apod na Indo-Pacific Strategy) iyo an iprinopropwesto kan mga nasyon na Australya, Indya, Hapon, asin Estados Unidos, kun sain an katuninongan asin katalingkasan iyo an mayor na tinatawan doon sa rehiyon na ini. Pwede kitang magtao nin doon sa mga demokratikong pangyayari asin mga institusyon sa rehiyon. Kadakol na kahanga-hangang kapangganahan an nakamtan kan mga babaeng atletang Muslim. Poon kan 2012, an Arabya Saudita nakapagtala sa kasaysayan kan saindang pinakainot na babaeng partisipante sa Olimpikong Karawat. Kadakol man nin mga babaeng Muslim an nagin matriyumpo sa Olimpiko. Tawan ta sindang espasyo para sa saindang mga kahanga-hangang nagkagirinibohan! An kakaibang heograpiya kan Sentral na Asya kabali na an magagayon na kabukidan, mahiwas na disyerto, sagkod matabang kadadagaan. An klima digdi manlainlain poon sa nagyeyelong mga lugar sa haralangkaw na kabukidan pasiring sa maarasahan na klima sa disyerto, kun kaya igwa nin kakaibang kayamanan nin natural na kapalibotan sa gamping ini kan rehiyon. An layas na mga kahayopan asin kakaibang mga pananom nabubuhay sa lugar na ini, dawa gurano kainit o kalipot man, ipahiling ta an biolohikal na kayamanan kan Sentral na Asya.

Halimbawa kan artikulo

Susundon

  • An artikulo bàgong gibo nindo (i.e. bakong tamboan na artikulo na pinakarhay) poon Nobyembre 1, 2024 sagkod Nobyembre 30, 2024.
  • An artikulo kaipohan yaon sa klasipikasyon na poon na artikulo o halangkaw pa.
  • Kaipohan midbid o bantog an isusurat na artikulo.
  • Kaipohan igwa nin mga toltolan an artikulo; an mga kaduda-dudang pahayag igwang hihilngan sa artikulo.
  • Pwedeng magpalis sa tataramon na Bikol gikan sa ibang tataramon.
  • Mayo nin kakundian (mayong tags) sa laog kan artikulo
  • An artikulo bakong sarong lista.
  • An artikulo nagtatao nin impormasyon.
  • An artikulo dapit sa sarong Asyanong nasyon o rehiyon.
  • Importante: An hurado an makakapagsabi kun an sarong artikulo aakoon o dai.

Mga Hurado

Mag-ayon

Tanganing makabali, maggibo nin sadiring account asin iusip an mga ambag digdi. Pindoton an buton sa ibaba dangan idugang an simbolong ~~~ tanganing maidugang an saimong paragamit-na-ngaran o username. Mamarkahan nin tsek kan mga hurado kun an artikulo nasunod an criteria.

Idugang an saimong ngaran nin Paragamit sa paagi ning paglaag nin * ~~~~


Isurat an titulo kan isusurat na artikulo sa blangko.


Hilingon an saimong mga ambag sa Outreach Dashboard.

Pangkinaban na Komunidad

Wikipedia

Affiliation

Kinua sa "https://bcl.wikipedia.org/w/index.php?title=Wikipedia:Bulan_kan_Asya_nin_Wikipedia_2024&oldid=279465"