Jaime Jesus Borlagdan

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Jaime Jesus Borlagdan
Jaime Jesus Borlagdan.jpg
Minundagan (1979-03-06) Marso 6, 1979 (edad 40)
Syudad nin Tabaco, Albay
AlyasJimple Borlagdan
KasibotanParatukdo, parasurat
NasyunalidadFilipino
LahìBikolano
GenreUsipon, rawitdawit
Bantog na giboMAYNILA: Libro ng Pobya (1999); Que lugar este kan dayo sa sadiring banwa (2009); Suralista (2010)
Mga bantog na gawadGawad Komisyon sa Wikang Filipino; Premio Tomas Arejola para sa Literaturang Bikolnon

Si Jaime Jesus "Jimple" Uy Borlagdan (namundag kan Marso 6, 1979 sa Syudad nin Tabaco, Albay) sarong kagubay na Bikolanong parasurat, paratogtog, paratukdô asin premiado kan Premio Tomas Arejola para sa Literaturang Bikolnon sa kategoryang rawitdawit asin usipon. Siya man an pinangaranan na Parasurat kan Taon kan 2009.[1]

Kagsurat siya nin tulong libro, an MAYNILA: Libro ng Pobya (1999), Que lugar este kan dayo sa sadiring banwa (2009) asin Suralista (2010).[2][3] An usipon niyang Daramlagon natàwan nin ikaduwang premio sa Gawad Komisyon ng Wikang Filipino kan 2008. An saiyang rawitdawit na Karangahan asin An istorya ninda, an osipon ta napublikar sa librong Sagurong: 100 na Kontemporanyong Rawitdawit sa Manlain-lain na Tataramon Bikol (DLSU, 2011).[4]

Kagtugdas si Borlagdan kan TAWO: Tabaco Writers' Workshop. Kaapil siya kan grupong An Banwa: Kultura buda Artes kan Tabaco Inc. asin kan duwang bandang Krear Bathala budâ Jimple Borlagdan. Sarô siya sa mga fellow sa ika-10ng Ateneo National Writing Workshop kan 2010.[5]

Premio Tomas Arejola[liwaton | liwaton an gikanan]

Nakua kan saiyang Karangahan, asin Ini, an mga buhay ta an inot na premio para sa kategoryang Rawitdawit kan 2006 sagkód 2007 kasabay an pagmidbid man sa Antisipasyon na sinurat ni Victor Dennis Nierva. Bàgo kaini, nagawadan komo pinalista kan 2004 an saíyang rawitdawit na Que lugar este kan dayo sa sadiring banwa, asin kan 2005 an saíyang osipon na pan-aki na Duwang Pagsadiri.[6] Kan 2008, parehong finalista man an rawitdawit niyang Kanta kan Dai Nagtutunong na Uran, asin osipon na Duwang Bangging Kugos.

Sa ika-6 na edisyon kan patiribayan, napilì bilang pinakamarhay na koleksiyon nin rawitdawit an Hamot kan Narumdom, asín pinakamarhay na usipon an Pagsarado.[7]

Nagluwas an nagkapira sa saiyang mga rawitdawit sa Burak asin An Tambobong nin Literaturang Bikolnon.[8][9][10]

Kabulig Writers Prize[liwaton | liwaton an gikanan]

Jaime Jesus Borlagdan, nakaguno kan inot na premyo kan 2019

Ibinungsod kan Kabulig Bikol an sarong premyo sa pagsurat nin literatura kan 2018 na inapod bilang Kabulig Writers Prize. Ginana ini ni Emmanuel Barrameda kan Virac, Catanduanes an premyo sa erotikang rawitdawit. Sa ikaduwang edisyon kaini kun sain pagsurat nin usipon pan-aki an patiribayan, ginana ni Jaime Jesus Borlagdan kan Syudad nin Tabaco an inot na premyo.

Toltolan[liwaton | liwaton an gikanan]

  1. Jaime Jesus Borlagdan, Mga tagapagtaram sa Kumperensya. Ikaapat na Pagsurat-Bikol 2012. Ateneo de Naga University. Abril 29-30, 2012
  2. Rukit-dukit kan kurit, Bangraw_kan_Arte, Literatura asin Kultura, Pebrero 2009, Volume II No. 6 Bangraw/NCCA, Syudad nin Naga, p. 5
  3. Mga Babayeng Kabulig Bicol Mail (pighugot 2012-01-17)
  4. Santos, Paz Verdades asín Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  5. 10th Ateneo National Writers Workshop Fellows Named Ateneo Institute of Literary Arts and Practices, Septyembre 2010
  6. Retired UP professor leads 'Premio' honores Bicol Mail (pighugot 2004-09-30)
  7. Finalists for 6th Premio Tomas Arejola named Vox Bikol (pighugot 2010-10-30)
  8. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  9. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  10. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)

Mga panluwas na takod[liwaton | liwaton an gikanan]