Emmanuel Barrameda

Gikan sa Bikol Sentral na Wikipedia, an talingkas na ensiklopedya
Emmanuel Barrameda
KasibotanParasurat, paratukdô
NasyunalidadFilipino
LahìBikolano, Tagalog
EdukasyonBatsilyer sa Edukasyon Sekondarya
Alma materPhilippine Normal University
GenreRawitdawit, rikas-usipon
Mga bantog na gawadGawad Pagromdom ki Carlos Palanca para sa Literatura

Si Emmanuel T. Barrameda buda sarong premyadong Bikolanong parasurat asin paratukdô gikan sa Virac, Catanduanes asin ngunyan nag-eerok sa Cavite. Siya myembro asin sarò sa mga direktor kan Parasurat Bikolnon. Nagin man siyang kaapil man kan kasararoan nin mga parasurat na SurTe sa Catanduanes, KATAGA: Samahan ng mga Manunulat sa Pilipinas (KATAGA) sa Manila kun sain siya coordinator kan kabtang kaining Kataga-Manila-South, siring man siya kaapil kan Cavite Young Writers Association. Siya nagawadan sa Gawad Pagromdom ki Carlos Palanca para sa Literatura kan 2014 nin ikatulong premyo para sa saiyang halìpot na usipon na Nando, asin kan 2016 nin ikaduwang premyo para sa halìpot na usipon na Bangkera.[1][2]

Nagin partisipante si Barrameda Ikapitong Palihang Rogelio Sicat na ginibo sa Syudad nin Angeles, Pampanga kan 2014, Ika-13ng Ateneo National Writers Workshop kan 2015, sa Ika-6 na Saringsing Writers Workshop na ginibo sa Raul S. Roco Library sa Syudad nin Naga kan 2016 kun sain tinàwan kritika an saiyang rikas-usipon. Poon kan 2017, siya sarô sa mga nagtutukaw na panelista sa taonan na hunglonan nin pagsurat sa rehiyon Bikol.

Inot nang nagawadan an saiyang mga tukda sa Gawad Emman Lacaba kan 2012, asin Saranggola Blog Awards taon 2013.[3] Ngunyan na taon, an rawitdawit niyang may titulong Sa satuyang mga Dila iyo na nagawadan sa pinakainot na Kabulig Writer's Prize. [4]

Edukasyon[baguhon | baguhon an source]

Si Barrameda nagtapos nin kursong Batsilyer sa Pansekondaryang Edukasyon sa Literatura asin tataramon na Filipino sa Philippine Normal University kun sain siya nagawadan kan Genoveva Edroza-Matute Matute Literary Award. Nagin man siyang poon editor kan The Torch Publication kan unibersidad, siring man nagin direktor kan Sangay Pilantik ng Kapisanang Diwa at Panitik.

Nagtutukdo siya sa Catanduanes State University. Bàgo kaini siya nagin paratukdô man sa St. Dominic College of Asia asin Christian Academy of Makati sa senior high school.

Libro[baguhon | baguhon an source]

Ipinagbungsod an inot na libro ni Barrameda na may titulong P'wera Bisita kan Setyembre 22, 2018 sa Virac, Catanduanes. An libro sarong katiriponan nin mga halipot na usipon na nagpapahiling kan kulturang Katanduanon.[5]

Toltolan[baguhon | baguhon an source]

  1. Boniverso: Mga Dagli ni Emmanuel Barrameda (pighugot 2018-11-26)
  2. Gov. Cua backs ‘Pwera Bisita’ launching Archived 2021-06-15 at the Wayback Machine. Catanduanes.gov.ph Archived 2019-01-22 at the Wayback Machine. (pighugot 2018-11-26)
  3. Emmanuel Barrameda Archived 2018-11-10 at the Wayback Machine. sa http://katagaweb.weebly.com Archived 2018-11-10 at the Wayback Machine.
  4. INAUGURAL WRITERS PRIZE: Kabulig winners BICOLMAIL (pighugot 2018-11-26)
  5. Gov. Cua backs ‘Pwera Bisita’ launching Archived 2021-06-15 at the Wayback Machine. https://catanduanes.gov.ph/ Sya man an kagsurat kan Distrungka, sarong koleksyon nin mga saysay na ipigluwas kan taon 2022. Archived 2019-01-22 at the Wayback Machine. (pighugot 2018-11-26)

Mga panluwas na takod[baguhon | baguhon an source]