Jerry Adrados

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Jerry Escoto Adrados
Jerry E. Adrados.JPG
Kamundagan (1951-11-06)Nobyembre 6, 1951
Sabang, Calabanga, Camarines Sur
Kagadanan Pebrero 5, 2014
Syudad nin Tabaco, Albay
Kasibotan Empleyado, parauma, musiko
Nasyunalidad Filipino
Lahì Bikolano
Alma mater Unibersidad kan Nueva Caceres
Genre Rawitdawit
Bantog na gibo Daratangan na Olay: Common Language of Bikolnon (2012)
Mga bantog na gawad Sumaro Bikolnon

Si Jerry Escoto Adrados (Nobyembre 6, 1951-Pebrero 5, 2014) sarong Bikolanong parasurat asin iyo an kagsurat kan Daratangan na Olay: Common Language of Bikolnon (2012), sarong diksyunaryo nin mga tataramon na Bikol na tinamparan kan sa tataramon na Ingles asin Tagalog. Namundag sa Sabang, Calabanga, Camarines Sur, siya nagdakula sa Gubat, Sorsogon asin nag-irok sa Syudad nin Tabaco, Albay. Siya nagin myembro kan An Banwa: Kultura buda Artes kan Tabaco, Sumaro Bikolnon asin Parasurat Bikolnon.[1][2]

Agi-agi kan buhay[liwaton | liwaton an gikanan]

Si Adrados nagkua kan elementarya sa Sabang Elementary School, Calabanga, Camarines Sur, dangan kan saiyang sekundarya asin kolehiyo (Sp) sa Unibersidad kan Nueva Caceres Nagtapos siya kan kursong Batsilyer kan Artes sa Pamamahala nin Negosyo (Business Administration).

Nagtrabaho siya sa manlainlain na ahensya nin gobyerno kun sain an pagsurat asin dokumentasyon nin mga report kinakaipo arog kan pagtrabaho niya sa opisina kan Gobernador nin Camarines Sur bago siya nadestino sa Bulacan. Naglelektura man komo resource person sa mga unibersidad asin kolehiyo sa probinsya nin Albay. Siring man, siya nag'erok mga sampulong taon sa Norzagaray, Bulacan nin huli ta nagtrabaho siya sa Holcim Philippines Inc. bilang Community Relations Officer.

An saiyang interes yaon sa mga tinanom na herbal, pagsukit kan mga pangaran kan manlaenlaen na tinanom asin mga hayop sa dagat o sa kadagaan man, pagtukda nin mga kantang Bikol asin mga rawitdawit, asin pag-adal sa kultura kan rona nin Kabikolan.

Gamit an tradisyonal na porma nin rawitdawit na surukol asin sarambit, nagkapira sa saiyang mga panurat dapit sa pagkamoot asin erotika. Nagin tagaambag man siya sa mga magasin na kultural arog kan Salugsog sa Sulog, Burak asin Haraya. Sa pagmidbid kan saiyang kakayahan asin makahulogan na ambag sa kulturang bikolnon, si Adrados ginawadan postuma kan Sumaro Bikolnon nin sarong Plaka nin PagpaDios Mabalos kan ika-25 nin Oktobre, 2014, na ginibo sa Champagne Garden, Syudad nin Naga.

Kataytayan nin ladawan[liwaton | liwaton an gikanan]

Toltolan[liwaton | liwaton an gikanan]

  1. Literary Folio: Salugsog sa Sulog Oragonrepublic.com Tomo I (2005) pahina 11
  2. MAGBIRIKOL KITA: Ni Pay Henry Bicol Mail (pighugot [[2014]-2-6)

Mga panluwas na takod[liwaton | liwaton an gikanan]