Kue pancong
 Bagong inihurnong kue pancong. | |
| Alternatibong ngaran | Kue pancung, bandros, gandos |
|---|---|
| Klase | Inihurnong mahamis na keyk nin niyog |
| Kurso | Mirendalan |
| Ginikanang lugar | Indonesya |
| Rehiyon o istado | Sulnopan na Haba, Jakarta, Makassar |
| Temperatura nin pagsirbe | Mainit o sa kwartong temperatura |
| Pangenot na sahog | arina nin bagas, mga sugok, gata nin niyog, kinudkod na niyog, asukar |
| Pagkakaarog na lutoon | kue pukis, kue rangi |
An Kue pancong (sa Indo asin Betawi), kue pancung (sa Malayo na Sumatra), bandros (sa Sunda), gandos (sa Habanes), o buroncong (in Makassar) sarong kue kan Indonesya o tradisyunal na mirendalan na gibo sa arina nin bagas asin sa pigbase sa niyog na batter asin niluto sa sarong espesyal na molde nin kawali. Saro ining komon na mirendalan sa mga tradisyonal na saudan kan Indonesya. Komon na natatakod an kue pancongsa lutuon nin Betawi kan Jakarta,[1] mantang an bandros, parati na natatakod sa lutuon nin Sunda kan syudad nin Bandung, asin buroncong sa lutuon nin Makassares kan Makassar,[2] bagaman an gabos minatukdo sa parehas na mainit na keyk nin niyog.[3]
Parehas an minoldeng kawali sa muffin tin alagad igwa ining rektangulo na basin imbes na bilugan. Binibilog ini nin sarong hilera nin mga rektangulong palanggana nin sararadit na batya na may bilog na kabangang bulan na irarom, tanganing makamukna nin kabangang bulan o korteng baroto na mainit na keyk. An sarong molde nin pancong, medyo kaarog sa sarong molde nin waffle. An espesyal na kaarog-ihaw na metal na molde na ginagamit sa paggibo kan kue pancong, ginagamit man sa iba pang tradisyonal na Indo na kue, kabali na an kue pukis asin kue rangi, asin kaya an korte, medyo kaarog sa mga keyk na idto. Parating kinokonsederar an kue pancong na bersyon nin niyog na kue pukis na nakasusogbsa trigo.
Mga sahog asin mga paagi nin pagluluto[baguhon | baguhon an source]
Gibo an batter sa pinaghalong arina nin bagas, kinudkod na hinog na nyog , mga tinipasing kristal nin asukar, asin, gata kan niyog, mga dahon nin pandan (opsyunal para sa aroma), tubig, vegetable oil o margarina para pagrasahon an minoldeng kawali .[3] pigwisikan an mga tipasi nin kristal na asukar bilang topping.
Talalinyahan nin sumaryo[baguhon | baguhon an source]
Medyo magkaarog an kue rangi, kue pancong asin kue pukis, kaya parating napapasala nin identidad an tolong mainit na keyk. An mga pangkagabsan na pagkakalain sa tanga kan tolong mainit na keyk iyo an mga minasunod:[4]
| Mga sahog | Rangi | Pancong | Pukis |
|---|---|---|---|
| Ladawan |  |
|
|
| Arina na ginagamit sa batter | almirol na tapioca | arinang bagas | arinang trigo |
| Kinudkod na niyog | Gamit | Gamit | Dai gamit |
| Gatas nin niyog | Dai gamit | Gamit | Gamit |
| Sugok | Dai gamit | Gamit | Gamit |
| Lebadura | Dai gamit | Dai gamit | Gamit |
| Basin kan minoldeng kawali | sadit, hababaw | katamtaman, hararom | katamtaman, hararom |
| Topping | likidong pulang asukar | mga tipasi nin asukar | sprinkles nin tsokolate |
| Tekstura | alang asin nangunguya | malumoy asin basa | malumoy kadaklan |
Hilingon man[baguhon | baguhon an source]
Mga toltolan[baguhon | baguhon an source]
- ↑ Tourism, jakarta (2018-02-28). "Kue Pancong". jakarta-tourism.go.id (in Indonesian). Archived from the original on 2020-02-15. Retrieved 2020-06-02.
- ↑ Baroncong - Detik Travel
- ↑ 3.0 3.1 Suharyati, Tri. "Kue Bandros atau Kue Pancong, Ini Resepnya!". detikfood (in Indonesian). Retrieved 2020-06-02.
- ↑ "Punya Tampilan Serupa, Apa Perbedaan Kue Pancong dan Kue Rangi?". kumparan (in Indonesian). Retrieved 2020-06-02.
Mga panluwas na takod[baguhon | baguhon an source]
 |
An Wikimedia Commons igwa nin medya dapit sa Kue pancong. |
