Kue pukis
 Bagong lutong kue pukis na nakabalandra. | |
| Alternatibong ngaran | Pukis |
|---|---|
| Klase | Inihurnong mahamis na trigong keyk |
| Kurso | Mirendalan |
| Ginikanang lugar | Indonesya |
| Rehiyon o istado | Sa bilog na nasyon |
| Temperatura nin pagsirbe | Mainit o temperatura nin kwarto |
| Pangenot na sahog | Arina nin trigo, lebadura, sugok, gata kan niyog, asukar |
| Pagkakaarog na lutoon | kue pancong, kue rangi |
An Kue pukis o inaapod sana na Pukis sarong Indo na kue o tradisyonal na mirendalan na gibo sa pigbaseng-arina nin trigo na batter asin niluto sa sarong espesyal na minoldeng kawali. Saro ining komon na mirendalan sa mga tradisyonal na saudan kan Indonesya.[1]
Parehas an minoldeng kawali sa muffin tin alagad igwa ining rektangulo na basin imbes na bilugan. Nagin porma ini nin sarong hilera kan mga rektangulong palanggana nin sararadit na batya na may bilog na kabangang bulan sa irarom, kaya namukna nin kabangang bulan o korteng baroto na mainit na keyk. Haros parehas an molde kan Pukis sa molde nin waffle. An espesyal na arog-ihaw na metal na molde na ginagamit sa paggibo nin kue pukis, ginagamit man sa iba pang tradisyonal na Indo na kue; kabali an kue pancong (midbid na bandros sa Solnupan na Haba) asin kue rangi (na kun sain imbes gibo sa kinudkod na niyog asin sa batter nin almirol na tapioca), kaya medyo kaarog an korte sa mga keyk na idto. Bagaman ta parati mas dakula an molde nin kue pukis ikan sa molde nin kue rangi. Arog pa man kaiyo, an namit, kaarog sa kue cubit kan Indo, poffertjes kan Olandes asin sa dorayaki kan Hapon, huli ta sa kaarog na batter na nakasusog sa arina kan trigo.
Mga sahog asin paagi nin pagluluto
[baguhon | baguhon an source]
Gibo an batter hali sa pinaghalong arina nin trigo, tubig, lebadura, mga sugok, asukar, mahibog na gata nin niyog, asin asin; ginamitan nin may vegetable oil, mantikilya o margarina tanganing maggrasa an molde kan keyk para dai ini mahali.[1]
Binubu'buan nugad an tuktok nin keyk nin sprinkles na tsokolate, mga pidaso nin mani, kinudkod na cheddar cheese o fermented cassava na tapai
Talalinyahan nin sumaryo
[baguhon | baguhon an source]Medyo magkaarog an kue rangi, kue pancong asin kue pukis, kaya parating napapasala nin identidad an tolong mainit na keyk. An mga pangkagabsan na pagkakalain sa tanga kan tolong mainit na keyk iyo an mga minasunod:[2]
| Mga sahog | Rangi | Pancong | Pukis |
|---|---|---|---|
| Ladawan |  |
 |
|
| Arina na ginagamit sa batter | almirol na tapioca | arinang bagas | arinang trigo |
| Kinudkod na niyog | Gamit | Gamit | Dai gamit |
| Gatas nin niyog | Dai gamit | Gamit | Gamit |
| Sugok | Dai gamit | Gamit | Gamit |
| Lebadura | Dai gamit | Dai gamit | Gamit |
| Basin kan minoldeng kawali | sadit, hababaw | katamtaman, hararom | katamtaman, hararom |
| Topping | likidong pulang asukar | mga tipasi nin asukar | sprinkles nin tsokolate |
| Tekstura | alang asin nangunguya | malumoy asin basa | malumoy kadaklan |
Hilingon man
[baguhon | baguhon an source]Mga toltolan
[baguhon | baguhon an source]- ↑ 1.0 1.1 "Resep Kue PUKIS empuk oleh Tatiara". Cookpad (in Indonesian). Retrieved 2020-06-02.
- ↑ "Punya Tampilan Serupa, Apa Perbedaan Kue Pancong dan Kue Rangi?". kumparan (in Indonesian). Retrieved 2020-06-02.
Mga panluwas na takod
[baguhon | baguhon an source] |
An Wikimedia Commons igwa nin medya dapit sa Kue pukis. |
