Kue rangi
 Binutong pataas an bagong lutong kue rangi hali sa espesyal na metal na molde. | |
| Alternatibong ngaran | Sagu rangi |
|---|---|
| Klase | Inihurnong coconut cake |
| Kurso | Mirendalan |
| Ginikanang lugar | Indonesya |
| Rehiyon o istado | Jakarta asin Sulnopan na Haba |
| Temperatura nin pagsirbe | Mainit o temperatura nin kwarto |
| Pangenot na sahog | almirol na tapioca, kinudkod na niyog, asukar sa palma, |
| Pagkakaarog na lutoon | kue pancong, kue pukis |
An Kue rangi o inaapod man na sagu rangi sarong kueng niyog kan Indo o tradisyonal na merendal na gibo sa niyog asin sa pigbase sa almirol na batter asin niluto sa sarong espesyal na minoldeng kawali. Saro ini sa mga tradisyonal na mirendalan na Betawi kan Jakarta.[1] Parating iniladawan an Kue rangi na Indonesian coconut waffle.
Kaarog an minoldeng kawali sa muffin tin alagad igwa nin korte-parilaba na palanggana imbes na bilugan. Naging porma ini nin sarong linyada nin mga parilabang palanggana nin sararadit na batya na may bilog na kabangang bulan sa irarom, kaya nagmukna nin sarong kabangang-bulan o korteng baroto na keyk. Ginagamit man an espesyal na kaarog na ihaw na metal na molde na ginagamit sa paggibo ng kue rangi sa iba pang tradisyonal na Indo na kue; kabali an kue pancong (midbid man sa bandros sa Solnupan na Haba) asin kue pukis (na ginibo gamit an harina nin trigo imbes na batter). Arog pa man kaito, kumpara sa kue pukis, igwang sadit na basin nin labot na tub an molde nin kawali kan kue rangi, asin nawalat na nakadukot an keyk, kaya ginibo an korte kaini na kaarog kan Waffle.
Mga sahog asin paagi nin pagluto[baguhon | baguhon an source]
Gibo an keyk na ini sa pinaghalong almirol na tapioca, na inaapod kan mga taga-Betawi na harina na sago, na may kinudkod na laman nin niyog, asin, sinahugan nin tubig bilan sarong batter asin ipigbuhos sa sarong espesyal na metal na molde dangan inihurnong sa sarong sadit na kalan.[1] Kun ikukumpara sa kaarog na korte nin kue pancong na niyog, igwang alang na tekstura an kue rangi.
Siniserbe an kue rangi na may warak na likidong sarsa na pulang asukar o asukar nin niyog na pinalapot nin kadikit na almirol, kaya ini igwang mahibog, medyo mabata, nakadyelatin na mahamis na baroron na sarsa. Tanganing magdugang nin kaaya-ayang samyo kan prutas, an mahibog na likidong asukar na ini, nugad hinahalo sa mga pidaso nin nangka, pinya o sarong bugkos nin dahon nin pandan.[2] Susog sa kagawian, komon an bagong lutong kue rangi na igwang kaaya-ayang maaso na aroma huli ta niluluto ini gamit an pugon na gibo sa kahoy.
Talalinyahan nin sumaryo[baguhon | baguhon an source]
Medyo magkaarog an kue rangi, kue pancong asin kue pukis, kaya parating napapasala nin identidad an tolong mainit na keyk. An mga pangkagabsan na pagkakalain sa tanga kan tolong mainit na keyk iyo an mga minasunod:[3]
| Mga sahog | Rangi | Pancong | Pukis |
|---|---|---|---|
| Ladawan | |
 |
|
| Arina na ginagamit sa batter | almirol na tapioca | arinang bagas | arinang trigo |
| Kinudkod na niyog | Gamit | Gamit | Dai gamit |
| Gatas nin niyog | Dai gamit | Gamit | Gamit |
| Sugok | Dai gamit | Gamit | Gamit |
| Lebadura | Dai gamit | Dai gamit | Gamit |
| Basin kan minoldeng kawali | sadit, hababaw | katamtaman, hararom | katamtaman, hararom |
| Topping | likidong pulang asukar | mga tipasi nin asukar | sprinkles nin tsokolate |
| Tekstura | alang asin nangunguya | malumoy asin basa | malumoy kadaklan |
Hilingon man[baguhon | baguhon an source]
Mga toltolan[baguhon | baguhon an source]
- ↑ 1.0 1.1 Inc, Tastemade. "Kue Rangi ~ Resep". Tastemade (in Indonesian). Retrieved 2020-06-01.
- ↑ "Resep Kue rangi jadoel teflon oleh Dapur Maya". Cookpad (in Indonesian). Retrieved 2020-06-01.
- ↑ "Punya Tampilan Serupa, Apa Perbedaan Kue Pancong dan Kue Rangi?". kumparan (in Indonesian). Retrieved 2020-06-02.
Mga panluwas na takod[baguhon | baguhon an source]
 |
An Wikimedia Commons igwa nin medya dapit sa Kue rangi. |
