Langit
An langit o an kalangitan, sarong komun na relihiyosong kosmolohiko o silag na lihis sa natural na lugar kun saen an mga dios, anghel, kalag, santo, o sinasambang mga apoon sinasabi na naggikan, nasa trono, o nag-eerok. Uyon sa mga pagtubod kan nagkapirang relihiyon, an mga langitnon na persona pwedeng magbaba sa Daga o mang-aki asin an mga daganon na persona pwedeng sumakat sa Langit sa buhay pagkagadan o, sa pambihirang mga kaso, maglaog sa Langit na buhay.
An langit parateng ilinaladawan bilang "halangkawon na lugar," an pinakamaayon na lugar, sarong Paraiso, na laen sa impyerno o sa Kinaban sa Irarom nin Daga o sa "mahiwas na mga lugar" asin sa pankagabsan o kondisyon na madaling makua nin daganon na mga persona segun sa laen-laen na pamantayan nin pagigin dios, karahayan, kabanalan, pagtubod, o iba pang mga birtud o tamang mga paniniwala o kabotan sana nin Dios. An iba nagtutubod sa posibilidad na magkaigwa nin langit sa Daga sa maabot na kinaban.
An saro pang pagtubod yaon sa axis mundi o sa kahoy pankinaban na nagtatakod sa kalangitan, sa terrestial na kinaban, asin sa kinaban sa irarom kan daga. Sa mga relihiyon na Indian, an langit ibinibilang na Svarga loka, asin an kalag nag-aagi giraray sa laen-laen na porma nin pagbuhay segun sa mga relihiyon kaiyan.[1] An siklong ini pwedeng maraot pakatapos na makamit nin kalag an Moksha o Nirvana. An ano man na lugar nin pag-eksister, kun bakong sa mga tawo, kalag o dios, sa luwas kan kinaban na naheheling sa kinaban (Heaven, Hell, o iba pa) inaapod na ibang kinaban.
Minsan paano sa Abrahamikong mga pagtubod nin Kristianismo, Islam, asin sa nagkapirang eskwelahan nin Judaismo, siring man sa Zoroastrianismo, an langit iyo an rona nin Buhay pagkagadan na duman an marahay na mga gibo-gibo sa nakaaging buhay binabalosan sa panahon na daing sagkod (na iyo an lugar na diyan pinadudusahan an maraot na gawe-gawe).
