Jump to content

Mariano Abella

Gikan sa Bikol Sentral na Wikipedia, an talingkas na ensiklopedya
Si Mariano Abella an ikaapat na gobernador nin Ambos Camarines

Si Mariano Isaac Abella (Septyembre 25, 1860 - ? ) iyó an ika-4 na Gobernador kan Ambos Camarines, panahón kan administrasyon kan mga Amerikano sa Filipinas. Siyá nagtúkaw sa pwesto poón kan taón 1906 abót 1909.

An mga magúrang niyá iyó sindá Manuel P. Abella asín Bibiana Isaac. Naaresto siyá kan mga Kastila kan Septyembre 16, 1896 sa salang rebelyon alágad pinawàran salà asín pinalibre huli sa desisyon kan Korte sa saróng pagbista kan Desyembre 29, 1896. Sarô man siyá kan nagin Representante kan Bikol dumán sa tirípon sa Simbahan kan Barasoain, Malolos, Bulacan kan an inaapód na Konstitusyon nin Malolos pinagpandáy. Susog sa historyador na si Jose Barrameda, Jr. siyá nagtúkaw bilang gobernador kan Ambos Camarines nin tolóng beses, kan taón 1898, 1904 asín 1906.

Mga panluwas na takod[baguhon | baguhon an source]