Mariano Garchitorena

Gikan sa Bikol Sentral na Wikipedia, an talingkas na ensiklopedya

Si Mariano C. Garchitorena dating Gobernador kan Camarines Sur. Nagserbe siyá sa pwesto nin saróng taón saná kan 1945.

Siyá namundág sa Tigaon, Camarines Sur sa mga magúrang niyáng sindá Don Andres Garchitorena asín Margarite Chereau, saróng Pranses.

An enot na napangagom niya iyo si Caridad Pamintuan kan Pampanga, aki an famosong si Don Florentino Pamintuan, asin sunod iyo si Dona Brigida Villanueva (vda. de Manley). Pinsan niya idtong gerilya na si Major Don Tomas Garchitorena y Topacio, asin tugang niya an aktor na si Salvador Garchitorena y Aran,an lolohon ni Anjo Yllana saka ni Jomari Yllana. Siya tata man ni Justice Francis Garchitorena asin kan aktor na si Andres Centenera.

Si Presidente Sergio Osmeña pignombrahan siyang gobernador kan Camarines Sur alagad huli sa mga intriga, nagdemitir siya tolos sa pwesto. Sunod kaidto nagdalagan siya sa pagkasenador sa irarom kan Partido Liberal. Dai man siya guminana pero siya an nakakua nin pinakahalangkaw na boto sa ronang Bicol. Dangan si Pres. Manuel Roxas pignombrahan siyang Sekretaryo kan Agrikultura asin Rekursos Naturales.

Mga panluwas na takod[baguhon | baguhon an source]

  • Opisyal na websayt kan Camarines Sur- [1]

Toltolan[baguhon | baguhon an source]

  • ^ Simbulan, Dante C. The Modern Principalia The Historical Evolution of the Philippine Ruling Oligarchy. Diliman, Quezon City: Univ. of the Philippines Press, 2005. p.121
  • An retrato niya sinapi' sa magasin na Bicolandia, sa atubangan na patos. vol. 1, nu. 4. Marzo, 1955.
  • In Retirement? Sarong interbyu saiya. Artikulo nagluwas sa Bicolandia magasin. vol. 1, nu. 4. Marzo, 1955. p. 29.