Natural na Parke kan Bulkan Mayon
| Natural na Parke kan Bulkan Mayon | |
|---|---|
| Bulkan Mayon | |
IUCN category III (natural monument or feature) | |
 An pinakatahaw kan Natural na parke, an haros perpektong balisungsong kan Bulkan Mayon | |
  Lokasyon sa laog kan Albay .svg) Natural na Parke kan Bulkan Mayon (Luzon) .svg) Natural na Parke kan Bulkan Mayon (Filipinas) | |
| Kinamumugtakan | Albay |
| Pinakaharaning syudad | Legazpi City, Ligao City, Tabaco City |
| Mga Tagboan | 13°15′24″N 123°41′6″E / 13.25667°N 123.68500°ETagboan: 13°15′24″N 123°41′6″E / 13.25667°N 123.68500°E |
| Hiwas | 5,775.7 hectares (14,272 acres) |
| Pigtugdok | July 20, 1938 (National park) November 21, 2000 (Natural park) |
| Lawas nin Gobyerno | Protected Areas and Wildlife Bureau of the Department of Environment and Natural Resources |
An Natural na Parke kan Bulkan Mayon iyo an protektadong rona kan Filipinas na namomogtak sa Rehiyon Bikol (Rehiyon 5) sa sur-subangan kan isla kan Luzon, an pinakadakulang isla kan nasyon. An Natural na parke sakop an rona nin 5, 7775.7 na ektarya (14, 272 acres), kun saen kabali an saiyang pinakatahaw na Bulkan Mayon, an pinakaaktibong bulkan sa Filipinas, asin saiyang kataraid sa palibot.[1] Bistado an bulkan huli sa saiyang bantog na haros perpektong korteng balisungsong. Enot na prinoteksyonan bilang Nasyunal na Parke kaidtong 1938, klinasipikar giraray bilang Natural na Parke pag-abot kan taon na 2000.[1]
Heograpiya[baguhon | baguhon an source]
An Natural na Parke kan Bulkan Mayon nagsasakop kan rona nin 5,775.7 hectares (14,272 acres) namomogtak sa walong syudad asin munisipalidad na igwang hurisdiksyon kan bukid. An mga komunidad na ini iyo an Camalig, Daraga, Guinobatan, Legazpi City, Ligao City, Tabaco City, Malilipot, asin Santo Domingo, gabos sa probinsya kan Albay. An alitoktok kan bulkan iyo an pinakahalangkaw na elebasyon sa bilog na Kabikolan sa 2,462 metres (8,077 ft).[2]
Kasaysayan[baguhon | baguhon an source]
An protektadong rona enot na dineklara bilang Nasyunal na Parke kan Bulkan Mayon, na igwa nin inisyal na rona nin 5,458.65 hectares (13,488.6 acres), kaidtong Hulyo 20, 1938, sa paagi kan Proclamation no. 292 durante kan Commonwealth presidency ni Manuel L. Quezon. Kaidtong 1992, an Republic Act No. 7586 o an National Integrated Protected Areas System (NIPAS) Act inistablisar tanganing makalalang, designar, klasipikar asin pamahalaan kan Departamento kan Kapalibotan asin mga Natural na Gunuan, gabos na mga protektadong rona kan nasyon para sa presente asin sa nuanoy na mga kapag-arakian kan mga Pilipino.[3] Sa irarom kan NIPAS, an Mayon Volcano National Park klinasipikar giraray asin liniwat an ngaran sa Mayon Volcano Natural Park kasabay kan pagpirma kan Proclamation No. 412 kaidtong November 21, 2000.[1]
Mga ladawan[baguhon | baguhon an source]
-
Tanawon kan Mt. Mayon sa Sumlang Lake sa Albay -
ATV adventure sa Mt. Mayon
Toltolan[baguhon | baguhon an source]
- ↑ 1.0 1.1 1.2 "Region 5 - Protected Areas" Archived March 21, 2012, at the Wayback Machine.. Protected Areas and Wildlife Bureau of the Philippines. Retrieved on May 23, 2013.
- ↑ "Mayon". Global Volcanism Program. Retrieved on May 23, 2013.
- ↑ "Republic Act No. 7586" Archived 2013-06-16 at Archive.is. Philippine Sustainable Development Network. Retrieved on May 20, 2013.
