Premyo Valledor
An Premyo Valledor sarong proyekto na pinagtutuwangan kan Ateneo de Naga University Press asin kan National Book Development Board kun saen ibinungsod an patiribayan na naghahanap kan pinakamahusay na mga nobelang nasusurat sa arin man na tataramon na Bikol. Ini may darang premyo na Php 50,000 iwawaras sa mapipiling pinakamahusay na nobela. An kagsuporta sa pinansyal kan nasabing patiribayan iyo si Victorio Cabangon Valledor, sarong Bikolanong tubong Catanduanes.[1][2]
Nanggarana sa Premyo taon 2019
[baguhon | baguhon an source]Sa taon 2019, kun saen iyo an paggawad kan papremyo, duwa an napiling nobela nagkamit kan dakulang premyong Php 50,000: an nobelang Kalatraban sa Alkawaran tinokda' ni Niles Jordan Breis, sarong Bikolanong namundag sa Tabaco, Albay, asin an nobelang Dyurnal Intris na sinurat ni Jerome Hipolito, sarong parasurat na tubong banwaan nin Calabanga, Camarines Sur. An duwa ginawadan pa lambang saro nin tropeo na ukit kan taga-Daet na iskultor na si Paolo Gerero. Kabali sa papremyo iyo an pagimprenta asin pagpublikar kan saindang nobela kan Ateneo de Naga University Press.[3] Nagin pinalista man sinda Marvin D. Aquino, sa saiyang nobelang Alunsina kan Dagat, asin man sinda Roxanne E. Berido dangan Arthur Justin Alemania, sa saindang nobelang An Huring Panuga.
An mga nagin hurado kan ginibong Premyo Valledor 2019 iyo sinda Marne L. Kilates, H. Francisco V. Peñones,Jr., asin man si Tito G. Valiente.[4]
An papremyo, ibinungsod kan Agosto, 2018 tungod sa selebrasyon kan Buwan ng Wika sa nasabing unibersidad. Ini taon-taon nang igagawad sa pinakamahusay na orihinal na nobelang entri.[5]
| Titulo kan Nobela | Kagsurat | Premyo |
|---|---|---|
| Dyurnal Intris | Jerome M. Hipolito | Primero |
| Kalatraban sa Alkawaraan | Niles Jordan Breis | Primero |
| An Huring Panuga | Roxanne E. Berido/Arthur Justin Alemania | Shortlisted |
| Alunsina kan Dagat | Marvin D. Aquino | Shortlisted |
Premyo Valledor 2019
[baguhon | baguhon an source]Inoktaba an pagtao nin onra na kuta kan Agosto 2020 kasabay kan selebrasyon kan Buwan ng Wika. Sa presente, dai pa nin ipigpapaluwas na bareta kun si isay an nakakua kan primerong onra. Alagad nagpaluwas na an Ateneo de Naga University Press nin opisyal na anunsyo kan mga nagin pinalista. [6]
| Titulo kan Nobela | Kagsurat | Premyo |
|---|---|---|
| Tres Personas | Joshua Roy Auxilo/Duane Xavier Bondad/Severino Sarate | Shortlisted |
| An Diary kan Beki | Marvin D. Aquino | Shortlisted |
| Madrugada | Niles Jordan Breis | Shortlisted |
| Kalye Siete | Roxanne Berido/Arthur Justin Alemania | Shortlisted |
| An mga Hawak sa Panganuron | Anthony B. Diaz | Shortlisted |
Toltolan
[baguhon | baguhon an source]- ↑ [1]opinion.inquirer.net. Kinua 2019-06-11
- ↑ [2]business.com. Kinua 2019-06-1
- ↑ He's looking for the next great bicol novel www.businessmirror.com. Kinua 2019-06-12
- ↑ http://womantoday.ph/2019/08/30/bikols-premyo-valledor/
- ↑ [3]opinion.inquirer.net. Kinua 2019-06-12
- ↑ https://www.facebook.com/adnupress/photos/a.400045956823544/1404904459671017/?type=3&theater
