Jump to content

Jerome Hipolito

Magdagdag nin link
Gikan sa Bikol Sentral na Wikipedia, an talingkas na ensiklopedya
Jerome Hipolito
MinundaganCalabanga, Camarines Sur
KasibotanParatukdô, parasurat
NasyunalidadFilipino
LahìBikolano
Alma materAteneo de Naga na Unibersidad
GenreRawitdawit, saysay, usipon
Bantog na giboOda sa Tadik (2010)
Mga bantog na gawadPremio Tomas Arejola para sa Literaturang Bikolnon, Premyo Valledor, Gawad Parangal sa Alagad ng Sining

Si Jerome Mendoza Hipolito (namundag sa Calabanga, Camarines Sur) sarong kagubay na Bikolanong parasurat nin mga rawitdawit, saysay, asin osipon sa mga tataramon Bikol, Filipino asin Ingles.[1] Kan 2008, ginawadan sa Premio Tomas Arejola para sa Literaturang Bikolnon nin ikaduwang premyo an saiyang Pagbunag nin Paroy asin iba pan rawitdawit.[2][3][4] Taon 2019, si Hipolito saro sa nagkamit kan Premyo Valledor.

Siya sarong paratukdô sa kolehiyo sa Central Bicol State University of Agriculture (CBSUA) sa Calabanga, Camarines Sur.[5] Pinapadalagan niya an CBSUA Writers Workshop asin an Bay Area Writers Workshop na ginigibo sa parehong banwaan.[6]

Si Hipolito nagbabasa nin rawitdawit kan 2016
Pagsumpa ni Hipolito bilang kaapil kan Kabulig Bikol, 2019

Publikasyon

[baguhon | baguhon an source]

Sarô si Hipolito sa mga tagapakarhay kan An Tambobong nin Literaturang Bikolnon na ipinagpublikar kan BikolianA asin Sumaro Bikolnon na nagluwas kan 2010 sagkod 2011.[7]

Ipinagpublikar kan Ateneo Institute of Literary Arts and Practices (AILAP) an Oda sa Tadik (2010), an saiyang pinakainot na libro. Laman kaini an apatnapulong (40) rawitdawit na igwang pagpalis sa Tagalog ni Kristian Cordero.[8][9] Kan 2012, ipinalagdâ kan Salabay asin An Banwa: Kultura buda Artes kan Tabaco (ABKAT) an saiyang ikaduwang koleksyon nin mga rawitdawit na may titulong Lobo. Ipigbungsod ini kaiba an iba pang mga libro sa Bikolanong Unibersidad Kolehiyo kan Artes asin Letras kan Agosto 31, 2012.[10]

Sa ginibong Rimpos: art-literature Exhibition kan Salingoy Art Group, katampad kan mga obrang kurit ni Sylene B. Sabino an saiyang mga rawitdawit. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na pinakarhay ni Eilyn Nidea laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[11][12]

An saiyang rawitdawit na Buradol napublikar sa librong Sagurong: 100 na Kontemporanyong Rawitdawit sa Manlain-lain na Tataramon Bikol (DLSU, 2011), asin nagkapira pang mga rawitdawit sa taonan na dyornal na Burak, An Tambobong Nin Literaturang Bikolnon, asin mga literaryong polyetong Saringsing asin Rimpos.[13][14][15][16]

Iniluwas niya an suru-sadiring publikasyon na Padangat, sarong koleksyon nin mga rawitdawit, sa Better Living Through Xeroxography Naga kan Hulyo 30, 2016.

An Parasurat Bikolnon nagpublikar nin anom na na libro sa saindang Writers Series kan 2020 kaiba an mga panurat niya asin ninda Eilyn Nidea, Edwin Breva, Jr., Froy Beraña, Elbert O. Baeta, asin Irvin Sto. Tomas sa mga tataramon na Bikol Sentral, Rinconada Bikol, asin Filipino/Tagalog.[17]

Organisasyon

[baguhon | baguhon an source]

Kan 2010, namuknâ an Parasurat Bikolnon kun sain si Hipolito nagin pinakainot na bise presidente kaini. Kinapotan niya an Komite sa Publikasyon asin nagin tagapakarhay kan Saringsing, an palagdaan kan organisasyon.

Nagin kaapil man siya kan reorganisadong Kabulig-Bikol, asin kan organisasyon pangkultura na Sumaro Bikolnon kun sain siya nagin direktor kaini kan 2010-2011.[18]

Tinugdas niya an The Writers Project bilang kasararoan nin mga estudyanteng nagsusurat sa CBSUA-Calabanga.

Mga writers workshop

[baguhon | baguhon an source]

Nagin fellow si Hipolito kan 12th Ateneo National Writers Workshop kan 2012 asin 58th UP National Writers Workshop kan 2019.

Kan 2014, nagin panelista si Hipolito sa TALA Poetry Workshop na ginibo sa O'Brien Library kan Unibersidad kan Ateneo de Naga, asin Saringsing Writers Workshop.[19].[20] Kan parehong taon, minuknâ niya an CBSUA Writers Workshop na ginigibo taon-taon sa Calabanga, Camarines Sur.[6]

Nag-atendir man siya sa pinakainot na Saling-Panitik Bienvenido Lumbera Translation Seminar-Workshop poon Pebrero 8-10, 2018 asin Gemino H. Abad Seminar-Workshop on Teaching Literature poon Setyembre 20-22, 2019 na parehong ginibo sa Unibersidad kan Pilipinas, Diliman, Syudad nin Quezon.[21][22][23]

Toltolan

[baguhon | baguhon an source]
  1. ↑ "Archipelagic Feasts, Tropical Disasters: 2011 PEN Congress on the Literature of Survival." BalaySugidanun.com (pighugot 2012-01-19)
  2. ↑ Atenean Wins Bikol’s Most Prestigious Literary Prize Archived 2012-11-05 at the Wayback Machine. Ateneo de Naga na Unibersidad (pighugot 2009-07-16)
  3. ↑ Budding Then, UBOD Now: A crop of New Authors Archived 2011-11-26 at the Wayback Machine. BilingualPen.com Archived 2012-02-02 at the Wayback Machine. (pighugot 2012-01-19)
  4. ↑ Santos, Paz Verdades asín Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  5. ↑ Jerome Hipolito, Mga tagapagtaram sa Kumperensya. Ikaapat na Pagsurat-Bikol 2012. Ateneo de Naga University. Abril 29-30, 2012.
  6. ↑ 6.0 6.1 CBSUA-Calabanga holds First Writers' Workshop[permanent dead link] cbsua.edu.ph
  7. ↑ Sto. Tomas, Irvin asin pag-iriba. An Tambobong Nin Literaturang Bikolnon Mga Awit para sa Ina (BikolianA, 2011)
  8. ↑ Hipolito, Jerome M. Oda sa Tadik: asin iba pang bersong Bikol (NCCA, 2010)
  9. ↑ AILAP names fourteen new authors at UBOD New Authors Series II (pighúgot 2012-01-17)
  10. ↑ Calleja, G.B. Kamurawayan sa Burak layas (Balai Ibalon, 2013)
  11. ↑ Rimpos, an art-literature exhibition, to open in Naga City this May 4[permanent dead link] Panitikan.com.ph (pighugot 2015-06-27)
  12. ↑ Salingoy stages Rimpos Art-Lit exhibit[permanent dead link] Panitikan.com.ph (pighugot 2015-06-27)
  13. ↑ Santos, Paz Verdades asín Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  14. ↑ An Tambobong Nin Literaturang Bikolnon Mga Awit para sa Ina (BikolianA, 2011)
  15. ↑ A granary of poems about Bicol farmers Philippine Daily Inquirer (pighugot kan 2011-10-14)
  16. ↑ New, young literary voices in Naga City Bicolstandard.com
  17. ↑ Bikol reaps bumper literary crop despite lockdown (February 24, 2021)
  18. ↑ Sumaro Bikolnon eyes accreditation from city Bicol Mail (pighugot kan 2011-12-14)
  19. ↑ Writers Company and the 1st Tala Workshop Archived 2016-02-21 at the Wayback Machine. Panitikan.com.ph (pighugot 2015-06-07).
  20. ↑ 4th Saringsing Writers Workshop fellows named Archived 2016-08-13 at the Wayback Machine. Panitikan.com.ph
  21. ↑ Bicolanos attend Saling Panitik at UP Diliman Bicol Standard
  22. ↑ A Big Boost for Translation Panitikan.ph
  23. ↑ Gémino H. Abad Seminar-Workshop on Teaching Literature (pighugot 2019-8-23)

Mga panluwas na takod

[baguhon | baguhon an source]


Kinua sa "https://bcl.wikipedia.org/w/index.php?title=Jerome_Hipolito&oldid=261989"