Wikipedia:Portal kan Komunidad

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An komunidad kan Wikimedia Foundation sa rehiyon Bikol
Itinutulod an talingkas, bukas asin buhay na kaaraman sa Filipinas

Mga pinakahuring pagbabago

Agosto 10, 2013
Nagpapadrino kan Ikaapat na Padurunongan sa Canaman, Camarines Sur.
Hunyo 22, 2013
Nangapodan para sa Dalagan para sa 10ng Taon nin Talingkas na Kaaraman
sa bilog na kinàban.
Hunyo 15, 2013 
Nagpartisipar sa 2013 Philippine Wikimedia Conference-Annual General Assembly
sa Syudad nin Makati.
Enero 12, 2013 
Ginibo an Legazpi Photo Walk sa Syudad nin Legazpi.
Enero 6, 2013 
Ginibo an Naga Wiknic 1 sa sa Eco Park sa San Felipe, Syudad nin Naga.
Nobyembre 24, 2012 
Isinelebrar an Ika-5ng Aldaw kan Bikol Wikipedia sa Syudad nin Naga.

Tampok na proyekto

An Bikol Wikipedia Editing Marathon o Bikol Edithon sarong taragboan nin mga paraambag tanganing paurugon an Bikol Wikipedia. Saro man ining dalan tanganing mapag-urulayan an mga proyekto asin isyu sa komunidad. An pinakainot na Bikol Edithon ginibo kan Agosto 15, 2012 sa Canaman Municipal Library kan Munisipyo kan Canaman, Camarines Sur.

Siisay kami

An Bikolnon na Komunidad nin Wikimedia sarong komunidad nin mga boluntaryo na nagpapabantog kan mga proyekto kan Wikimedia Foundation sa rehiyon Bikol. Namukna ini kan Oktobre 19, 2009 ninda Irvin Sto. Tomas, Ramon Olaño sagkod Gil Gregorio asin ngunyan padagos na nagtatalubo.

Saro ini sa 4 na komunidad kan Wikimedia Philippines sa nasyon na itinutulod an talingkas, bukas asin buhay na kaaraman. Opisyal na minidbid kan Kabtang an komunidad kan Abril 27, 2012 tanganing magin katuwang sa pagpaurog kan mga proyektong Wikimedia sa lokal na mga tataramon kan rehiyon.

Hadoyon kami

Para sa mga kahapotan asin suhestyon, padarahan kami nin e-koreo sa : irvinstotomas@yahoo.com

Makisumaro

Sa pagtuwang sa samuya, makakaambag ka nin panahon, kabatiran asin katibayan tanganing matabangan asin maagda an mga tao na mag-rimpos asin magpaurog nin mga pampagtukdo na laog na talingkas na magagamit siring man maihihiras sa kinaban. An saindong tabang dai sana matao nin mahiwas na dalan sa pag-abot sa impormasyon sa maarabot na henerasyon alagad makakatao man nin maibong asin magayagayang eksperyensya.

Mga proyektong Wikimedia

An Wikimedia Foundation, sarong non-profit na organisasyon na nagpapadalagan kan nagkapirang multilinggwal asin talingkas na laog na mga proyekto, kabali an Wikipedia, an talingkas na ensiklopedya na nangagin saro sa mga pinakabantog na websityo sa kinaban.

Sa mga tataramon na Bikol, an minasunod iyo an ipigpapabantog asin ipigpapaurog kan komunidad:

Hanapon kami sa Medya Sosyal

Hanapon kami sa Facebook