Plantilya:Portal:Kababaihan/Napiling artikulo
Si Dr. Jurgenne H. Primavera, (namundag kan Pebrero 22, 1947, sa Butuan, Filipinas) sarong Pilipinong siyentista asin midbid na researcher sa pangangataman kan mga kabakawan, kun sain siya tinawan nin onra bilang saro sa Heroes of the Environment for 2008 kan Time Magazine.
Siya nagtapos nin Batsilyer kan Siyensya sa Zoolohiya bilang cum laude sa Unibersidad kan Filipinas kan taon 1966. Nagkua man siya nin Masteral sa Zoolohiya sa Unibersidad nin Indiana sa Estados Unidos kan taon 1969 kun sain siya sarong Fellow kan Ford Foundation-Education Projects, Inc. Siya man nagtapos nin Doktor kan Pilisopiya sa Siyensya Marina sa Unibersidad kan Pilipinas, Diliman kan 1996 asin nagin iskolar kan National Science Development Board (NSDB) (1962-1966) asin Philippine Council for Aquatic and Marine Research and Development (1990-1992).