Gikan sa Bikol Sentral na Wikipedia, an talingkas na ensiklopedya
#WikiForHumanRights 2021: Karapatan para sa marhay na kapalibutan
Magbali samuya sa Abril 15-Mayo 31 sa pagselebrar kan Earth Day!
Magsurat manungod sa karapatan pantawo, salud pankapalibutan asin manlain-lain na komunidad na nagsasapo kan mga kakundian pankapalibutan sa interong kinaban!
Lambang tawo maninigo sa ligtas, malinig, marhay asin nasusustiniran na kapalibutan bilang saiyang irukan. Marhay na sana, an karapatan para sa marhay na kapalibutan pasyalmenteng minimidbid sa lampas 150 na mga nasyon sa bilog na kinaban.
Para sa #WikiForHumanRights, pig-aagda mi an mga Wikimedian asin mga paratulod na idokumento sa Wikipedia sagkod sa iba pang mga plataporma kan Wikimedia an istorya manungod sa mga karapatan na nakakapangyari sa ligtas asin dai-nagbabarabagong klima, marhay na ekosistema, asin dain-toksikong kapalibutan. Sa lakdang na ini makakadagdag kita nin kaaraman dapit sa mga natural na sistema na sinasarigan nin mga tawo para sa tubig na saindang iniinom, duros na saindang hinahangos, pagkakan asin iba pang mga pangangaipo.
An pag-utob sa karapatan nin tawo para sa marhay na kapalibutan nagtataong kapangyarihan urog na sa mga tawong nagsasapong gayo kan mga danyos sa kapalibutan—polusyon, pagbago nin klima asin pagkawara nin biodiversity—tanganing maprotehiran ninda an kapalibutan, makapartisipar sa mga pagdedesisyon asin makakua nin hustisya.
Arog kan COVID-19, nakakaapektong marhay an pagruro kan kapalibutan sa manlain-lain na mga komunidad na kinabibilangan nin mga tawo, grupo asin kaitong mga nasa bulnerableng kamugtakan.
Nakakatabang sa sosyedad an mas marhay na kaaraman manungod sa Karapatan Pantawo asin kapalibutan tanganing makahawas sinda sa COVID-19. An pagkasabot sa kaaraman katakod kan bagay na ini nakakatabang man sa mga komunidad sa bilog kinaban pasiring sa mas epektibo asin mas mabungang pagresponde sagkod pagkarahay sa krisis.
Iribanan kitang makahaman nin mga laog na nagtatakod sa karapatan pantawo, salud pankapalibutan asin manlain-lain na komunidad na nagsasapo nin mga kakundian pankapalibutan sa interong kinaban.
Pantulong kabtang : Magpili nin arin man sa mga nakalistang artikulo sa ibaba kun arin an muya nindong gibuhon o pakarhayon. Dai paglingawan na ikaag an saindong ngaran bilang editor.
Pang-apat na kabtang : I-save an saindong ambag gamit an hashtag #WikiForHumanRights sa Edit Summary
Pagirumdom: Tangani na maitala an saindong pangaran ikaag an simbolong ~ nin apat na beses. Tangani na makagan ini nin numero, gamiton an "#". Halimbawa kan mahihiling nindo mantang nasa "Edit Source" an pahina #~~~~.
