Pinakbet
An pinakbet o pakbet sarong klaseng gisong Filipino na naggikan sa bandang amnayan kan Filipinas. Ini linuto na saralak na mga gulay-gulay, may karne o sira asin an pannamit balaw o bagoong. An pangaran kan giso naghale sa Ilokanong tataramon na "pinakebbet", na boot sabihon "pinakupos". An Ilokanong luto daa kaini ginagamit bagoong bilang pannamit na sarsa alagad sa Bicol balaw an uso. An lutong ini nagamit nin marigoso, okra, kalabasa, talong, balatong, kamatis, parapagulong, sili, asin parda. Minsan man sinasalakan nin kadyos, kamote, o an mga pisog kan kalunggay. Sa pagtaong dagdag na namit, sinasalakan kan bawang, sibulyas o laya.Sa Ilokanong luto kan gisong ini, haros mayo nang sabaw-sabaw o sarsa, alagad sa Bicol, an pakbet may saro-sarsa an pakaluto. An giso syempre may bangot na karneng orig o baka o maski ngane sira.
Mga panluwas na takod
[baguhon | baguhon an source]- [1] Archived 2016-03-03 at the Wayback Machine. Pagluto nin pinakbet. Kinua 10-07-14
- [2] Paglutong Ilokanong pinakbet. Kinua 10-07-14
- [3] Pano pagluto nin pinakbet. Kinua 10-07-14
