Padurunongan (Canaman, Camarines Sur)

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Padurunongan
Kamugtakan Aktibo
Genre Patiribayan sa Bikol quiz, Dama Nin Tataramon, asin tigsik
Kalakawan Taonan
Lugar Canaman, Camarines Sur
Nasyon Filipinas
Pinonan 2010
Kagtugdas Irvin Sto. Tomas
Mga partisipante mga eskwela sa elementarya
Inorganisar kan LGU Canaman, DepEd Canaman, Parasurat Bikolnon
Sponsor Sumaro Bikolnon, Apolonio B. Sto. Tomas Foundation

An Padurunongan sa Canaman, Camarines Sur sarong taonan na patiribayan sa Bikol quiz, tigsik asin Dama Nin Tataramon bilang parte kan selebrasyon kan anibersaryo kan pagkamuknâ kan banwaan asin kan Bulan nin Tataramon sagkod Bulan nin Kasaysayan.[1][2][3] Pinapadalagan ini kan lokal na gobyerno asin Departamento kan Edukasyon sa banwaan nin Canaman asin pinapadrinohan nin mga organisasyon asin nin mga indibidwal na nagtutulod kan kulturang Bikolnon.

Agi-agi kan Patiribayan[liwaton | liwaton an gikanan]

2010-2011[liwaton | liwaton an gikanan]

John Carlo I. Orapa, an kampeon sa Bikol Quiz kan Padurunongan 2010
Mga partisipante sa Bikol Quiz kan Padurunongan 2011

Pinapartisiparan nin mga eskwela sa elementarya asin sekondarya nainot na mga edisyon kan Padurunungan kadungan kan pagbungsod kan librong CANAMAN: Girà nin Banwaan ni Ireneo Sto. Tomas na sarô sa ginagamit na reperensya sa Bikol quiz. An libro dapit sa agi-agi kan banwaan na nakasurat sa bersong Bikol. Kagduwang (12) paadalan sa elementarya an nagpadara nin mga eskwela para sa kategoryang Bikol Quiz asin duwang estudyante man kan Sta. Cruz National High School an nagpatiribayan sa Tigsik para sa pinakainot na edisyon kaini.

Nagin katuwang kan pagpadalagan kan patiribayan an Sumaro Bikolnon sa panginginot kan pamayo kaini na si Ramon Olaño, Jr. Si John Carlo I. Orapa kan Taculod Elem. School Annex an pinakainot na kampeon sa Bikol Quiz.[1]

Sa pakikipagtabangan kan Canaman Central School Alumni Association (CCSAA), ginibo an ikaduwang edisyon kan patiribayan na binalihan nin walong (8) paadalan sa elementarya asin duwa (2) sa sekondarya: Sta. Cruz National High School asin Mangayawan High School. Sa elementarya, si Hanica Jane P. Panuelo kan Mangayawan Elem. School an nanginot sa Bikol Quiz asin si Joseph Andrie Siocson man kan Canaman Central School an pinakainot na nanggana sa Tigsik sa elementarya. Mantâ, an estudyante kan Mangayawan High School iyo an nagluwas na mas madunong sa sekondarya sa Bikol Quiz asin Tigsik.

2012[liwaton | liwaton an gikanan]

Gikan sa orihinal na ispeling kan ngaran nin patiribayan na "Padurunungan", nagin nang "Padurunongan" ini poon kan 2012 huli sa estandardisasyon kan pagbaybay sosog sa Antabay sa Ortograpiya nin Bikol Sentral ni Irvin Sto. Tomas na ipigtutulod kan Parasurat Bikolnon na iyo man an kagpadrino kan Padurunongan kan taon na idto. Sa edisyon na ini, si Angecel P. Langitan na gikan man giraray sa Mangayawan Elem. School an nanggana sa Bikol Quiz mantang si Niña Katrina F. Pasibe kan Taculod Elementary School Annex an nagkampeon sa Tigsik.[2]

2013 sagkod sa presente[liwaton | liwaton an gikanan]

Poon kan 2013, an patiribayan kapwa pinapadalagan kan DepED. Sa edisyon na ini ipiglunsar kadungan kan okasyon an Apolonio B. Sto. Tomas Foundation Inc. kun sain nagin bisitang tagapagtaram si Representante Maria Leonor Robredo kan Ika-3ng Distrito kan Camarines Sur. Poon pa kan 2011, ginagawadan na nin Apolonio Sto. Tomas medallion asin tropeong kopa an nakagunò kan kampeonato sa lambang patiribayan. Nag-aakò man an mga ganador nin sertipiko asin mga papremyo siring sa mga librong Bikolnon, gamit pampagkanood asin premyong kwarta.

Sa taon na ini, ipigdugang an Dama nin Tataramon na ginana ni Mars DL. San Carlos kan Haring-San Agustin Elementary School. Si Mark Vincent M. Vargas kan Canaman Central School an nagkampeon sa Bikol Quiz, an ikaduwang kampeonato kan eskwelahan, asin si John Carlo R. Cuadrante kan Mangayawan Elem. School an nagkampeon sa Tigsik, an ikatulong kampeonato man kan eskwelahan na ini.

Tropeo kan Pangkagabsan na Kampeonato
Mga partisipante sa Tigsik kan Padurunongan 2014

Poon kan 2014 sana ipiggagawad an Tropeo nin Kampeonato sa eskwelahan kan kaakian na nagpahiling pambihirang dunong sa tulong kategorya: Bikol Quiz, Tigsik asin Dama nin Tataramon.[4] Inot na kag-akò kaini an Mangayawan Elementary School na nadepensahan an kampeonato sa Tigsik sa ngaran ni Lara Joy A. Almendral, asin nakakua kan ikaduwang premyo sa Dama nin Tataramon asin ikatulong premyo sa Bikol Quiz. Nadepensahan man kan Haring-San Agustin Elementary School sa ngaran ni Mavericks A. Escalante an kampeonato sa Dama nin Tataramon. Mantâ, nakua kan Poro Elem. School an inot kaining kampeonato sa Bikol Quiz sa ngaran ni Vea Mae L. Aguilar. Nagin resipyente man an Mangayawan Elem. School nin mga libro gikan sa Parasurat Bikolnon. Kun ipiggawad ini kan 2013, an Canaman Central School iyo kutâ na an nagin pangkagabsan na kampeon huli ta nakakua ini nin kampeonato sa Bikol Quiz, ikaduwang premyo sa Tigsik asin ikatulong premyo sa Dama nin Tataramon kan taon na idto.

Kan 2015, ginawadan nin pagmidbid kan Sumaro Bikolnon na inirepresentar ni Kagawad Nathan Sergio kan Syudad nin Naga nin Plake nin Pagpapadios Mabalos si Clemente Alejandria na inakò kan akì ni Alejandria na si Lucia. Nagin bisitang tagapagtaram sa okasyon si Kristian Sendon Cordero, sarong paratukdô sa Ateneo de Naga na Unibersidad asin sarong premyadong parasurat sagkod direktor nin pelikula. Sa inot na pagkakataon, nagbali an Palo Elementary School na iyong nakagunò kan kampeonato sa Tigsik huli sa eskwelang si Reyna B. Yocampo siring man an Kurtland Grade School na iyo man an kampeon sa Dama nin Tataramon sa ngaran ni Kane Randy P. Beringuela. Nagunò kan Kurtland Grade School an Tropeo nin Kampeonato huli ta nakua man kaini an ikaapat na lugar sa Tigsik asin igwa man ining parakawat sa Bikol Quiz, bagay na nakalamang sa gabos na nagpartisipar na eskwelahan.[5]

Partisipanteng eskwelahan[liwaton | liwaton an gikanan]

Poon kan 2010, igwa nang kag-anom (16) na eskwelahan an nagpapartisipar sa Padurunongan. Apat digdi an dai nin palihis sa pagbali: Canaman Central School, Haring-San Agustin Elem. School, Mangayawan Elem. School asin Poro Elem. School.

An mga paratukdô gikan sa Mangayawan Elem. School na si Marina A. Lanuzga asin Haring-San Agustin Elem. School na si Raul C. Baisa, nag-akò nin sertipiko nin merito kan 2015 bilang mga premyadong tagatukdô sa nakaaging mga edisyon kan patiribayan. Igwang anom (6) na gana si Lanugza bilang tagatukdô sa mga eskwela sa Bikol Quiz, Tigsik asin Dama nin Tataramon mantang igwa nin pito (7) si Baisa.

Si Lanuzga igwa na nin duwang (2) Kampeonato, duwang (2) Ika-2ng Premyo, asin duwang (2) Ika-3ng Premyo; mantang si Baisa igwa nang (1) Kampeonato, tulong (3) Ika-2ng Premyo, asin tulong (3) Ika-3ng Premyo.

Blg. Eskwelahan Kampeon Ika-2ng Premyo Ika-3ng Premyo Ika-4 na Premyo Kagabsan
1 Calambog Elementary School 0 3
(2014 Tigsik; 2015 Quiz;
2016 Tigsik)
0
1
(2013 Tigsik)
4
(2010, 2013, 2014, 2015, 2016)
2 Canaman Central School 2
(2011 Tigsik, 2013 Quiz)
6
(2013 Tigsik, 2013 Dama;
2014 Quiz; 2015 Tigsik;
2016 Quiz; 2017 Tigsik)
1
(2012 Tigsik)
0
9
(2010, 2011, 2012, 2013, 2014, 2015, 2016, 2017)
3 Fundado Elementary School 0 0 2
(2016 Tigsik; 2017 Dama)
0
2
(2016, 2017)
4 Haring-San Agustin Elem. School 2
(2013 Dama; 2014 Dama)
4
(2010 Quiz; 2011 Tigsik;
2012 Tigsik; 2016 Dama)
3
(2014 Tigsik; 2015 Quiz,
2015 Dama)
0
9
(2010, 2011, 2012, 2013, 2014, 2015, 2016, 2017)
5 Iquin Elem. School 0 0 0 0
0
(2010)
6 Kurtland Grade School 3
(2015 Dama, 2016 Dama, 2017 Quiz)
0 0
1
(2015 Tigsik)
4
(2015, 2016, 2017)
7 Liñaga Elem. School 0 0 0 0
0
(2016, 2017)
8 Mangayawan Elementary School 6
(2011 Quiz; 2012 Quiz;
2013 Tigsik; 2014 Tigsik; 2017 Tigsik
2017 Dama)
3
(2014 Dama; 2015 Dama;
2017 Quiz)
5
(2010 Quiz; 2014 Quiz;
2015 Tigsik; 2016 Dama;
2016 Quiz)
1
(2013 Quiz)
15
(2010, 2011, 2012, 2013, 2014, 2015, 2016, 2017)
9 Palo Elementary School 2
(2015 Tigsik; 2016 Tigsik)
0 1
(2017 Tigsik)
0 3
(2015, 2016, 2017)
10 Poro Elementary School 2
(2014 Quiz; 2015 Quiz)
1
(2012 Quiz)
3
(2013 Quiz, 2013 Tigsik,
2013 Dama)
1
(2016 Quiz)
7
(2010, 2011, 2012, 2013, 2014, 2015, 2016, 2017)
11 San Francisco Elem. School 1
(2016 Quiz)
2
(2011 Quiz; 2017 Dama)
2
(2012 Quiz; 2017 Quiz)
1
(2012 Tigsik)
6
(2010, 2011, 2012, 2013, 2014, 2015, 2016, 2017)
12 San Jose West Elem. School 0 0 0 0 0
(2010)
13 Tacolod Elem. School Annex 2
(2010 Quiz; 2012 Tigsik)
1
(2013 Quiz)
1
(2011 Tigsik)
0 4
(2010, 2011, 2012, 2013, 2014)
14 Tacolod Elem. School Main 0 0 1
(2014 Dama)
2
(2013 Dama; 2016 Quiz)
3
(2013, 2014, 2015, 2016)
15 Talidtid Elem. School 0 0 1
(2011 Quiz)
0 1
(2010, 2011, 2012)
16 Sua Elem. School 0 0 0 0 0
(2010, 2016)

Nanggarana[liwaton | liwaton an gikanan]

Pinapartisiparan an Padurunongan nin mga eskwela sa elementarya gikan sa manlainlain na paadalan sa distrito kan Canaman, Camarines Sur. An Mangayawan Elementary School iyo an pinakamatriyumpong eskwelahan digdi na igwa nang anom (6) na kampeonato asin sinusundan kan Kurtland Grade School na igwang tulong (3) kampeonato.

Taon Bikol Quiz Tigsik Dama nin Tataramon Kagpadrino
2010 John Carlo I. Orapa kan Taculod Elem. School Annex
Tagatukdô: Fe B. Bonto
Mayò pa kaini Mayò pa kaini LGU Canaman asin Sumaro Bikolnon (SB)
2011 Hanica Jane P. Panuelo kan Mangayawan Elem. School
Tagatukdô: Marina A. Lanuzga
Joseph Andrie Siocson kan Canaman Central School
Tagatukdô: Venus D. Sandigan
Mayò pa kaini LGU Canaman asin Canaman Central School Alumni Association (CCSAA)
2012 Angecel P. Langitan kan Mangayawan Elem. School
Tagatukdô: Marina A. Lanuzga
Niña Katrina F. Pasibe kan Taculod Elementary School Annex
Tagatukdô: Grace C. Moises
Mayò pa kaini LGU Canaman asin Parasurat Bikolnon (PB)
2013 Mark Vincent M. Vargas kan Canaman Central School
Tagatukdô: Naya C. de Castro
John Carlo R. Cuadrante kan Mangayawan Elem. School
Tagatukdô: Erma P. Medina
Mars DL. San Carlos kan Haring Elem. School Main
Tagatukdô: Julieth P. Tud
LGU Canaman asin Apolonio B. Sto. Tomas Foundation (ABSFI) sa pakikipagtabangan kan Antabay kan Kaakian (AKKI), Bikol Wikipedia Community, CCSAA, DEPED Canaman District, PB sagkod SB
2014 Vea Mae L. Aguilar kan
Poro Elementary School
Tagatukdô: Fe D. Villamor
Lara Joy A. Almendral kan Mangayawan Elem. School
Tagatukdô: Erma P. Medina
Mavericks A. Escalante kan Haring Elem. School Main
Tagatukdô: Raul C. Baisa
LGU Canaman asin DEPED Canaman District sa pakikipagtabangan kan ABSFI, CCSAA, Emma Saavedra Manaog Foundation (ESMF), PB sagkod SB
2015 Mary Joy S. Vidal kan
Poro Elementary School
Tagatukdô: Fe D. Villamor
Reyna B. Yocampo kan
Palo Elementary School
Tagatukdô: Rima B. Yocampo
Kane Randy P. Beringuela kan Kurtland Grade School
Tagatukdô: Oscar II P. Morena
LGU Canaman, DEPED Canaman District asin Sumaro Bikolnon sa pakikipagtabangan kan ABSFI, ESMF, PB sagkod Quikblox Builders
2016 Judilyn Aguila kan
San Francisco Elementary School
Tagatukdô: Emilia P. San Buenaventura
Chris Ryan S. Madrid kan
Palo Elementary School
Tagatukdô: Rima B. Yocampo
Nasha Mae T. Obaña kan
Kurtland Grade School
Tagatukdô: Rowena P. San Jose
LGU Canaman, DEPED Canaman District asin Parasurat Bikolnon sa pakikipagtabangan kan ADEN Batch 1963, ABSFI, sagkod SB
2017 Edwin James Ani kan
Kurtland Grade School
Tagatukdô: Michelle Segoron
Aira Shyne Magcaiyo kan
Mangayawan Elementary School
Tagatukdô: Thelma Guevara
Jinky Diones kan
Mangayawan Elementary School
Tagatukdô: Jona Marie Villafuerte
LGU Canaman, DEPED Canaman District asin Parasurat Bikolnon sa pakikipagtabangan kan CCS Batch 1995, ABSFI, sagkod SB
2018 ?
Kurtland Grade School
Tagatukdô: Fiona Besin
?
Kurtland Grade School
Tagatukdô: ?
?
Mangayawan Elementary School
Tagatukdô: ?
DEPED Canaman District asin Parasurat Bikolnon sa pakikipagtabangan kan ABSFI, sagkod Kintab Artists Group
  • Bulawan na kahon - nakua kan eskwelahan an Pangkagabsan na Kampeonato


Dating igwa nin kategorya para sa sekondarya sagkod kan 2011 alagad mayò na kaini sa mga nagsunod na edisyon.

Taon Bikol Quiz Tigsik Dama nin Tataramon Kagpadrino
2010 Mayò kaini Sta. Cruz National High School Mayò kaini LGU Canaman asin Sumaro Bikolnon (SB)
2011 Mangayawan High School Mangayawan High School Mayò kaini LGU Canaman asin Canaman Central School Alumni Association (CCSAA)

Mga Hurado[liwaton | liwaton an gikanan]

Binibilog nin mga parasurat, paratukdô asin alumni kan Canaman Central School an mga myembro kan hurado sa Tigsik asin Bikol Quiz sa nakaaging mga taon mantang mga paratukdô sa Canaman District an nagtutukaw na hurado sa Dama nin Tataramon.

Nagin hurado sa patiribayan kan 2010 sinda Bernardo Miguel Aguay, Jr., Jose Jason Chancoco asin Frank Peñones, Jr. na anas mga myembro kan Kabulig Bikol. Dangan kan 2014, mga myembro kan Parasurat Bikolnon an naghusgar sa patiribayan kabali sinda Jerome Hipolito, Anthony Diaz, Rey Christian Rosales, Imelda Brazal asin si Maffeth Opiana, sarong paratukdô.[4]

Kan pinadrinohan kan Canaman Central School Alumni Association (CCSAA) an patiribayan kan 2011 asin kan Parasurat Bikolnon kan 2012, anas alumni kan Canaman Central School an mga nagtukaw bilang mga hurado: sinda Ireneo Sto. Tomas (1955), Sabas Chica Jr. (1968) asin Irvin Sto. Tomas (1995); dangan sinda Winnie Saldivar (1989), Nolito Salcedo, CPA (1993) asin Engr. Ryan Aguilar (1995).

Mga pamayo man kan kagpadrinong mga organisasyon kan Padurunongan 2013 an mga nagin hurado sa eliminations asin finals kan patiribayan: Ester Porlaje (CCSAA), Marissa Reorizo-Redburn kaiba sinda Rosette Imperio sagkod Digna Ruth Daliva (Parasurat Bikolnon) asin Ramon Olaño, Jr. (Sumaro Bikolnon).

Kan 2015 asin 2016, mga paratukdô an nagserbeng mga hurado sa patiribayan: sinda Joel Clarianes (Tariric Elem. School) asin Gilbert Sto. Tomas (Manapao Elem. School) kan Minalabac District asin Edwin Dela Torre kan Sirangan Art Commune; Sabina Decasola (South Villazar Elem. School) asin Gemma Mandia (Tara Elem. School) kan Sipocot District, asin Anthony Diaz asin Imelda Brazal kan Parasurat Bikolnon.

Mga Kampeon[liwaton | liwaton an gikanan]

Toltolan[liwaton | liwaton an gikanan]