Marissa Reorizo-Redburn

Gikan sa Bikol Sentral na Wikipedia, an talingkas na ensiklopedya
Marissa Reorizo-Redburn
MinundaganSan Pascual, Masbate
AlyasIssa Redburn
KasibotanNegosyante, parasurat
NasyunalidadFilipino
LahìBikolana
GenreRawitdawit, usipon pan-akì
Bantog na giboDain Linaw an Hinaw (2017)
Mga bantog na gawadPremio Tomas Arejola para sa Literaturang Bikolnon

Si Marissa "Issa" Reorizo-Redburn (gikan San Pascual, Masbate) sarong kagubay na Bikolanang parasurat, dating paratukdô asin sarô sa mga tagapakarhay kan babasahon na Bangraw kan Arte, Literatura asin Kultura kaiba sinda Estelito Jacob asin Honesto Pesimo, Jr. Siya an kagsurat kan katiriponan nin mga usipon sa Bikol asin Ingles na Dain Linaw an Hinaw (2017).[1]

Nagtapos siya nin kolehiyo sa Universidad de Sta. Isabel sa Syudad nin Naga, asin nagtukdô sa elementarya sagkod na nagin sarong negosyante.

Pagsurat[baguhon | baguhon an source]

Partisipasyon sa Sumaro sa Sulog kan Parasurat Bikolnon
Kabulig Writer's Prize, 2019

Siya nagin myembro kan Kabulig-Bikol dangan saro sa mga kagtugdas kan Parasurat Bikolnon kan 2010. Siya sarô sa mga kagmuknâ kan Hagkos Bikolana, sarong grupo nin mga babaing parasurat sa Camarines Sur kaiba sinda Irmina Torres, Lourdes Nieva, Eilyn Nidea asin iba pa.[2] Sa presente, siya an presidente kan reorganisadong Kabulig-Bikol.

Si Redburn sarô sa mga panelista sa taonan na Saringsing Writers Workshop na pinapadrinohan kan Parasurat Bikolnon.[3] Bàgo kaini, siya nagin partisipante sa Ika-43ng University of the Philippines National Creative Writing Workshop na ginibo kan 2004 sa Syudad nin Baguio.[4] Sarô man siya sa mga partisipante kan pinakainot na Saling-Panitik Bienvenido Lumbera Translation Seminar-Workshop na ginibo kan Pebrero 8-10, 2018 sa Unibersidad kan Pilipinas, Diliman, Syudad nin Quezon.[5][6]

Nagluwas an nagkapira sa saiyang mga rawitdawit sa Burak asin An Tambobong nin Literaturang Bikolnon.[7][8][9] Kabali man siya sa naitampok na mga babaing parasurat sa Hagkus: twentieth-century Bikol women writers asin an saiyang rawitdawit nakaiba sa Sagurong: 100 na Kontemporanyong Rawitdawit sa Manlain-lain na Tataramon Bikol (2011).[10][11] Kan 2013, kabali an saiyang halìpot na usipon na Aurea sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[12]

Si Redburn sarô man sa mga karakter sa pelikulang Angustia (2013) ni Kristian Cordero.[13]

Toltolan[baguhon | baguhon an source]

  1. Writers, artists converge for Tagbo Bicol Mail (pighugot 2019-10-13)
  2. Luzon Delegates Taboan Festival 2014
  3. 4th Saringsing Writers Workshop fellows named Archived 2016-08-13 at the Wayback Machine. Panitikan.com.ph (pighugot 2015-06-19)
  4. Mga partisipante kan UPNWW poon 1965 UP National Writers Workshop Archived 2015-05-28 at the Wayback Machine.
  5. Bicolanos attend Saling Panitik at UP Diliman Bicol Standard
  6. A Big Boost for Translation Panitikan.ph
  7. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  8. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  9. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  10. Santos, Paz Verdades Hagkus: twentieth-century Bikol women writers (DLSU Press, 2003)
  11. Santos, Paz Verdades asin Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  12. Ateneo de Naga Press releases anthology of fiction, book of poetry KALATAS (pighugot 2015-06-19)
  13. Cordero’s first full length film to premier in Manila and Naga Bicol Mail (pighugot 2015-06-27)