Portal:Klima asin Kapalibutan
Klima asin Kapalibutan An pagburubago sa klima sarong panhalawig na pagbabago kan panahon sa satuyang kinaban magin iyan sa lokal, rehiyonal, o pankinaban na klima. An mga pagbabago na ini igwa nin halawig asin naoobserbaran na epekto sa pankagabsan kan kinaban. An mga pagbabago na ini pwedeng huli sa natural na kawsa, alagad magpuon pa kan 1800s, an mga aktibidad kan tawo an nagin mayor na rason kun tano nagkakaigwa nin siring na mga pagbabago, inot na gayo an pagsusulo kan mga fossil fuel (arog kan coal, krudo, o gas) na naghahaman man nin inaapod na heat-trapping gas. Maninigo na magkaigwa nin hararuman na pag-intindi sa kun pano nagbabago an satuyang klima, tangani na maprepararan ta an paabuton na panahon. An pag-adal kaini nakakatabang satuya na antisiparan halimbawa an paabuton na makusog na uran, o an aasahan tang temperatura sa tiglipot, o kaya kun gurano kalangkaw an itataas kan mga lebel kan kadagatan huli sa pagpapara-init kan temperatura sa kadagatan. Katuyuhan kan proyektong ini na maiwaras an impormasyon manungod sa pagburubago kan klima asin sa mga epekto kaini. Sa paagi kan mga artikulong ambag, masususog ta an pinakaugat kaini, kun ano an mga nagkakawsa kaini arog kan pagmimina nin petrolyo o gas, pagputol nin mga kahoy, mga ati sa kapalibutan, konsumerismo, mga planta, asin iba pa. Sa paagi nin paghahaman nin mga artikulo susog sa urulay na ini, maaraman ta man an pwedeng magin epekto kaini sa satuyang kinaban asin sa pirang sektor sa satuyang komunidad. Arog halimbawa na an tig-init pwedeng makadanyos sa produksyon nin kakanon asin sa satong mga salud. An baha pwedeng magin kawsa kan paglakop kan hilang asin makadanyos sa mga eco-sistema. An mga problema sa salud kan tawo pwedeng makadugang sa bilang kan mga nagagadan, sa produksyon nin pagkakan, asin pagigin produktibo sa mga trabaho.
Napiling Artikulo – An environmentalista sarong tawo na interesado asin nagsusuporta sa proteksyon kan kapalibotan. An sarong environmentalista pwedeng ibilang na parasuportar sa mga katuyohan kan environmental movement, "ang politikal asin etiko na naghihingowang mapakarhay asin protehiran an kalidad kan natural na palibot sa mga pagbabago sa nakadadanyar na mga aktibidad nin tawo sa palibot. An environmentalista nakikikabtang o nagtutubod sa pilosopiya nin kapalibotan. .jpg) Kun minsan inaapod an mga Environmentalista na nag gagamit nin impormal o desinyong mga termino arog kan "greenie" asin "tree-hugger." Epekto: An hiro kan environmentalista na gibo sa Amerika ngonyan na mas ekolohikong lugar kisa kan mga taon 1960 asin 1970 kan nagpoon na an paghiro (Goldstein 2002). (Full article...)
ImaheThe page "Portal:Klima asin Kapalibutan/box-header" does not exist.  Credit: NASA Image showing the temperature trend in Antarctica between 1957 and 2006
Mga Aktibista sa Klima – Si Licypriya Kangujam sarong aktibista aki sa kapalibutan sa India. Saro siya sa pinakahubin na aktibista sa klima sa bilog na kinaban asin nagpahayag nin pankinaban na mga lider sa United Nations Climate Change Conference 2019 (COP25) sa Madrid, España na naghahagad sa sainda na humiro tolos. An Licypriya nagkampanya para sa paghiro kan klima sa India poon pa kan 2018, na magpadara nin bagong mga ley tanganing mapatalsik an halangkaw na lebel nin polusyon sa India, asin makagibo nin klima-change literature mandium sa mga eskwelahan. Ibinilang siyang sa Greta Thunberg kan India, minsan ngani dai niya gusto an paggamit kan terminong ini. (Full article...)Pagtiripon Mga ArtikuloMga Pwedeng MaitabangMga Kategorya
|
