Eden Elizan-Velarde
| Eden Elizan-Velarde | |
|---|---|
| Nasyunalidad | Filipino |
| Lahì | Bikolano |
| Genre | Usipon |
| Mga bantog na gawad | Premio Tomas Arejola para sa Literaturang Bikolnon |
Si Eden Elizan-Velarde sarong kagubay na Bikolanang parasurat nin usipon kan gikan sa Syudad nin Naga. Ginawadan nin primera premyo an saiyang usipon pan-akì na Kan Magkulog an Buot ni Balete asin ikatulong lugar man an saiyang usipon na Hanapon Mo Ako sa Musika sa Premio Tomas Arejola para sa Literaturang Bikolnon kan 2012.[1] Siya sarô man sa mga partisipante kan Juliana Arejola-Fajardo Workshop sa Pagsurat-Bikol na ginibo kan 2012 sa Syudad nin Naga.[2]
Siya kaapil kan Sumaro Bikolnon asin sarô sa mga kagmuknâ kan Hagkos Bikolana, sarong grupo nin mga babaing parasurat sa Camarines Sur kaiba sinda Irmina Torres, Lourdes Nieva, Eilyn Nidea asin iba pa.[3]
Toltolan[baguhon | baguhon an source]
- ↑ SANTIGWAR: Premio Arejola 2012 Bicolmail.com (pighugot 2016-6-25)
- ↑ NCCA-Premio Arejola winners named; Albayano wins Writer of the Year Archived 2012-10-16 at the Wayback Machine. Panitikan.com.ph (pighugot 2012-10-08)
- ↑ Luzon Delegates Taboan Festival 2014
