Jonher Cañeba

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Jonher Amoroso Cañeba
KasibotanNars
NasyunalidadFilipino
LahìBikolano
Alma materUnibersidad kan San Antonio
GenreRawitdawit
Mga bantog na gawadQuisumbing-Escandor Film Festival for Health; Premio Tomas Arejola para sa Literaturang Bikolnon

Si Jonher Amoroso Cañeba sarong kagubay na Bikolanong parasurat kan Syudad nin Iriga, Camarines Sur. Siya nagsusurat nin mga rawitdawit asin dulang pampelikula sa Bikol asin Rinconada Bikol. Nag-adal siya sa Unibersidad kan San Antonio.[1]

Sarô siya sa mga partisipante sa Juliana Arejola-Fajardo Workshop para sa Parasurat-Bikol kan 2009. Bàgo kaini, siya nagawadan bilang Parasurat kan Taon 2008 sa Ika-5ng Premio Tomas Arejola para sa Literaturang Bikolnon. Siya man an kagsurat kan halìpot na pelikulang Santigwar na iyong nakagunò kan Inot na Premio sa 1st Quisumbing-Escandor Film Festival for Health sa Unibersidad kan Pilipinas.

Nagluwas an nagkapira sa saiyang mga rawitdawit sa Sagurong: 100 na Kontemporanyong Rawitdawit sa Manlain-lain na Tataramon Bikol, Burak asin An Tambobong nin Literaturang Bikolnon.[2][3][4]

Toltolan[liwaton | liwaton an gikanan]

  1. Mga Pararawitdawit sa SAGURONG: 100 na Kontemporaryong Rawitdawit sa Manlain-lain na Tataramon Bikol De la Salle na Unibersidad, Manila (2011) pahina 129
  2. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  3. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  4. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)

Mga panluwas na takod[liwaton | liwaton an gikanan]