Jose Jason Chancoco
| Jose Jason L. Chancoco | |
|---|---|
 | |
| Kasibotan | Paratukdô |
| Nasyunalidad | Filipino |
| Lahì | Bikolano |
| Genre | Rawitdawit, kritisismo |
| Bantog na gibo | Pagsasatubuanan: Poetikang Bikolnon (2008) |
| Mga bantog na gawad | Gawad Soc Rodrigo, Premio Tomas Arejola para sa Literaturang Bikolnon |
Si Jose Jason Llagas Chancoco sarong kagubay na Bikolanong parasurat. Premyado siya kan Premio Tomas Arejola para sa Literaturang Bikolnon sa kategoryang Osipon na Pan-aki kan 2005 asin kan Premio Bibiano Sabino kan 2009 para sa saiyang librong "Pagsasatubuanan: Poetikang Bikolnon" (2008). Sarô siya sa mga panelista sa Juliana Arejola-Fajardo Workshop sa Pagsurat-Bikol kan 2006 asin 2009, siring man sa Saringsing Writers Workshop kan 2011, 2014 asin 2015.
Siya nagsusurat sa Ingles, Filipino asin Iriganon. Siya paratukdô sa literatura asin lenggwahe, editor, tagapalis, PR practitioner asin cultural events organizer.[1][2] Kan 2013, kabali an saiyang halìpot na usipon na Tatsian sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[3]
Mga onrang nakamit
[baguhon | baguhon an source]Kabali sa nagkapirang onra na an nakamtan ni Chancoco sa lado nin pagsurat iyo an Juliana Arejola-Fajardo Workshop for Bikol Writing Fellow's Achievement Award (2005), Gawad Soc Rodrigo (2007), asin Achievement Award for Literature kan Ateneo de Naga University (2008).
An saiyang mga rawitdawit asin usipon sa iba-ibang tataramon nakaguno nin onra sa manlaen-laen na patiribayan. Siring kaini iyo sa Transition Literary Contest kan pahayagang Philippine Star (ika-1 premio-1999), Maningning Miclat Award for Poetry (sarô sa nakapirilì-2003), Talaang Ginto Gawad Surian sa Tula kan Gantimpalang Collantes (ika-2 Premyo-2004, asin Kagalanggalang na Sambit-2007), Premio Tomas Arejola para sa Literaturang Bikolnon (Finalista-2004, Dobleng Ika-1 Premio-2005, Finalista-2006), Homelife Poetry Contest (ika-1 Premyo-2007) asin iba pa.[4]
Toltolan
[baguhon | baguhon an source]- ↑ Lista kan mga paratokdo Ateneo de Naga na Unibersidad
- ↑ Jose Jason Llagas Chancoco Archived 2011-12-21 at the Wayback Machine. sa Panitikan.com.ph
- ↑ Ateneo de Naga Press releases anthology of fiction, book of poetry KALATAS (pighugot 2015-06-19)
- ↑ Chancoco, Jose Jason L. Pagsasatubuanan: Poetikang Bikolnon, Ciudad nin Naga, 2008
Mga panluwas na takod
[baguhon | baguhon an source]- Jose Jason Llagas Chancoco Archived 2016-07-15 at the Wayback Machine. sa Panitikan.com.ph
- Hagbayon an saiyang blog sa Wordpress
- Hagbayon sa You Tube
