Eduardo Uy

Gikan sa Bikol Sentral na Wikipedia, an talingkas na ensiklopedya
Eduardo Endraca Uy, Jr.
AlyasEd Uy
NasyunalidadFilipino
LahìBikolano
GenreUsipon, rawitdawit
Bantog na giboKalapakapa: mga Rawitdawit (2011)
Mga bantog na gawadPremio Tomas Arejola para sa Literaturang Bikolnon

Si Eduardo "Ed" Endraca Uy, Jr. sarong premyadong Bikolanong parasurat gikan sa Gubat, Sorsogon.[1] Ginawadan nin primera premyo an saiyang katiriponan nin rawitdawit na Pagpangaran asin sarô sa mga pinalista man an saiyang usipon na Ginubat sa Premio Tomas Arejola para sa Literaturang Bikolnon kan 2012. Kan 2009, sarô siya sa mga partisipante kan Juliana Arejola-Fajardo Workshop sa Pagsurat-Bikol asin siya nagin pinalista sa kategoryang rawitdawit para sa saiyang koleksyon na Sa hubasan, nagprobar akong magsurat sa Premio Tomas Arejola para sa Literaturang Bikolnon.[2]

Siya an tagapakarhay kan antolohiyang Kalapakapa: mga Rawitdawit.[3][4] Nagluwas an nagkapira sa saiyang mga rawitdawit sa Burak asin An Tambobong nin Literaturang Bikolnon.[5][6][7] Kan 2013, kabali an saiyang halìpot na usipon na Ginúbat sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[8]

Sarô man siya sa mga panelista sa Saringsing Writers Workshop, an taonan na hunglonan sa pagsurat kan Parasurat Bikolnon.[9] Bàgo kaini, nagin partisipante siya sa Ika-10ng Ateneo National Writers Workshop na ginibo sa Ateneo de Naga na Unibersidad.[10]

Toltolan[baguhon | baguhon an source]

Si Uy (naka-asul na polo sa likodan) kaiba an mga Wikipedista
  1. Santos to launch a book of 100 Bikol poems[permanent dead link] Canaman.gov.ph (pighugot 2012-10-02)
  2. NCCA-Premio Arejola winners named; Albayano wins Writer of the Year Archived 2012-10-16 at the Wayback Machine. Panitikan.com.ph (pighugot kan 2012-10-08)
  3. Paz Verdades Santos, Mga Pararawitdawit sa SAGURONG: 100 na Kontemporaryong Rawitdawit sa Manlain-lain na Tataramon Bikol De la Salle na Unibersidad, Manila (2011)
  4. Eduardo Uy, Mga tagapagtaram sa Kumperensya. Ikaapat na Pagsurat-Bikol 2012. Ateneo de Naga University. Abril 29-30, 2012
  5. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  6. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  7. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  8. Ateneo de Naga Press releases anthology of fiction, book of poetry KALATAS (pighugot 2015-06-19)
  9. 4th Saringsing Writers Workshop fellows named Archived 2016-08-13 at the Wayback Machine. Panitikan.com.ph (pighugot 2015-01-24)
  10. Mga Para-osipon: Eduardo E. Uy Jr. sa Hagong: Mga Osipon (Ateneo de Naga University Press, 2013)