Honesto Pesimo, Jr.

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Honesto Pesimo, Jr.
KasibotanParatukdô, parasurat
NasyunalidadFilipino
LahìBikolano
GenreTula
Bantog na giboBagyo sa Oktubre (2009)
Mga bantog na gawadGawad Ka Amado, Special Mayoral Award
Bangraw kan Arte, Literatura asin Kultura

Si Honesto "Jun" Pesimo, Jr. sarong premyadong kagubay na Bikolanong parasurat, paratukdô asin kagsurat kan librong Bagyo sa Oktubre (2009).[1] Sarô siya sa mga nainot na kaapil kan Kabulig Bikol, asin sarô man sa mga tagapakarhay kan Bangraw kan Arte, Literatura asin Kultura kaiba sinda Estelito Jacob asin Marissa Reorizo-Redburn.[2][3] Kaiba sinda Jacob asin Redburn, nagin editor sinda kan Girok: erotika na ipinagpublikar kan Kabulig-Bikol kan 2017.

Nagluwas an nagkapira sa saiyang mga rawitdawit sa Home Life, Burak asin An Tambobong nin Literaturang Bikolnon.[4][5][6] Kabali man an saiyang rawitdawit sa Sagurong: 100 na Kontemporanyong Rawitdawit sa Manlain-lain na Tataramon Bikol (2011).[7] Kan 2013, kabali an saiyang halìpot na usipon na Kublit sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[8]

Sarô siya sa mga panelista sa Juliana Arejola-Fajardo Workshop sa Pagsurat-Bikol kan 2004 asin sa Saringsing Writers Workshop, an taonan na hunglonan sa pagsurat kan Parasurat Bikolnon, kan 2014 asin 2015.[9] Bàgo kan mga ini, siya nagin partisipante sa Ika-36 na University of the Philippines National Creative Writing Workshop na ginibo kan 2000 sa Syudad nin Baguio.[10]

Toltolan[liwaton | liwaton an gikanan]

  1. Bikol Literary Titles to be Launched on August 15 Vox Bikol (pighugot 2009-08-19)
  2. Local artists liven up plaza with poetry, music Kabulig-Writers Bureau (pighugot 2009-08-18)
  3. de Ungria, Ricardo M. Enriching Knowledge by Publishing the Regional Languages Asiatic, Unibersidad kan Pilipinas-Mindanao, Hunyo 2009, p. 30
  4. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  5. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  6. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  7. Santos, Paz Verdades asin Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  8. Ateneo de Naga Press releases anthology of fiction, book of poetry KALATAS (pighugot 2015-06-19)
  9. 4th Saringsing Writers Workshop fellows named Panitikan.com.ph (pighugot 2015-01-24)
  10. Mga partisipante kan UPNWW poon 1965 UP National Writers Workshop