Troy Carretas
Si Troy "Yatoy" Carretas sarong Bikolanong parasurat, parakurit, paratukdo, na tubong syudad kan Legazpi. Sya an kagsurat kan Teatrong "Pidro Namuklat" na premyado man sa ginibong ROKYAW 2009 Cultural Festival kan Aquinas University of Legazpi. Guminana man an saiyang rawitdawit sa Premio Tomas Arejola. Nagin partisipante man sya sa ginibong Juliana-Arejola Fajardo Workshop for Bikol Writers kan taon 2009. Sya paratukdo sa UST-Legazpi asin Bicol University.[1] An saiyang rawitdawit na may titulong Alamat ni Jawo kaayon sa antolohiyang Sagurong, 100 na Kontemporanyong Rawitdawit sa Manlain-lain na Tataramon Bikol.[2][3] Kan Pebrero 2020 na publikar niya an primero niyang libro na “Xenos Sonex: Strange Sonnet Experiments” na naubos ka benta sa Legazpi.
Baku sana sa pagsurat premyado si Yatoy kundi pati sa pagkurit. Kan 2006 nangana siya ki grand prize sa 2006 Philippine Komikon na ginibo sa UP Diliman Bahay ng Alumni sa kategoryang Editorial Cartooning. Nagsanay siya sa pagkurit ki komiks sa Glasshouse Graphics International na sarong ahensiya na nagpapadara nin parakurit para sa Marvel asin DC Comics. Kan 2014 nangana man siya ki grand prize
sa Regional On the Spot Painting Contest na sponsored kan Bicol Shirt City.
Toltolan[baguhon | baguhon an source]
- ↑ Mga Pararawitdawit sa SAGURONG: 100 na Kontemporaryong Rawitdawit sa Manlain-lain na Tataramon Bikol De la Salle na Unibersidad, Manila (2011) pahina 129
- ↑ https://www.worldcat.org/title/sagurong-100-na-kontemporanyong-rawitdawmanlainlain-na-tataramon-bikol/oclc/989409187it-sa-
- ↑ https://openlibrary.org/books/OL25231543M/Sagurong
Mga panluwas na takod[baguhon | baguhon an source]
- Yatoy 100tpcMedia.org
- Yatoy DeviantArt.com
- Pamunghaton
.jpg)
Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina.