Ian Kenneth Orasa
| Ian Kenneth De Lima Orasa | |
|---|---|
| Minundagan | Bato, Camarines Sur |
| Kasibotan | Parasurat, paratukdô |
| Nasyunalidad | Filipino |
| Lahì | Bikolano |
| Genre | Rawitdawit, usipon |
Si Ian Kenneth De Lima Orasa na tubong Bato, Camarines Sur sarong paratukdô, parasurat asin sarô sa mga kagsurat kan Ginisang Poesia (2016) sagkod Ginisang Poesia 2 (2017) kaiba si Irvin Sto. Tomas asin Anthony Diaz. Kaapil siya kan Parasurat Bikolnon, Linangan sa Imahen, Retorika at Anyo (LIRA), Sumaro Bikolnon, Nueva Caceres Heritage Movement asin Philippine Wikimedia Community (PhilWiki Community).
Sarô siya sa mga nagin partisipante o katood na parasurat sa Saringsing Writers Workshop na ginibo kan Desyembre 21-23, 2014 sa Sentral na Bikolnon na Unibersidad nin Estado kan Agrikultura (CBSUA) sa Pili, Camarines Sur.[1] An saiyang mga panurat nagluwas man sa Ani 39: Kahayupan/The Animal Kingdom (2016) na pinagpupublikar kan Sentro Pangkultura kan Filipinas (CCP)[2][3] asin Girok: erotika (2017), an pinakainot na antolohiya nin mga erotikang Bikol na pinublikar kan Kabulig-Bikol. Nagin katood na parasurat man siya sa Palihang LIRA kan 2017.
Si Orasa nagtapos nin Bachelor of Science in Architecture asin sarong rehistradong arkitekto. Siya myembro kan United Architects of the Philippines (UAP) kabtang kan Camarines Sur. Nagtutukdô siya sa Bicol State College of Applied Science and Technology (BiSCAST) sa Syudad nin Naga.
Toltolan
[baguhon | baguhon an source]- ↑ 4th Saringsing Writers Workshop fellows named Panitikan.com.ph (pighugot 2019-9-5)
- ↑ CCP to launch Ani 39 literary journal Inquirer.net (pighugot 2019-9-1)
- ↑ 2ng Irigueño, 9 pang Bikolnon kaiba sa taunan na antolohiya Bicol Standard (pighugot 2019-9-5)
