Buboy Aguay

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Bernardo Miguel O. Aguay, Jr.
Aguay2.jpg
KamundaganSan Roque, Calabanga, Camarines Sur
AlyasBuboy Aguay
KasibotanParatukdô
NasyunalidadFilipino
GenreDrama pan-entablado, usipon, tula, rawitdawit
Bantog na giboGibsaw sa Salakab (2008)
Mga bantog na gawadGawad Pagromdom ki Carlos Palanca

Si Bernardo Miguel "Buboy" O. Aguay Jr., gikan sa San Roque, Calabanga, Camarines Sur, sarong premyadong kagubay na Bikolanong parasurat sa mga tataramon na Ingles, Filipino asin Bikol.[1] Siya sarô man na paratukdô, parasurat sagkod direktor nin dula pan-entablado, asin iyo an kagsurat kan librong Gibsaw sa Salakab na ibinungsod kan 2008.[2][3]

Siya nagawadan sa Ika-61ng Gawad Pagromdom ki Carlos Palanca kan 2011 para sa saiyang halìpot na dulâ sa tataramon na Filipino na Posporo. Digdi nakamtan niya an ikatulong premyo.[4]

Publikasyon[liwaton | liwaton an gikanan]

Nagluwas an nagkapira sa saiyang mga rawitdawit sa An Tambobong nin Literaturang Bikolnon.[5][6][7] Kabali man an saiyang rawitdawit sa Sagurong: 100 na Kontemporanyong Rawitdawit sa Manlain-lain na Tataramon Bikol (2011).[1]

Independenteng naipublikar an saiyang koleksyon nin mga tulâ sa titulong TULA.K.ARATULA kan 2011. Apat pang mga panurat an saiyang ipinalagdâ nin surusadiri kan 2012: Posporo, Kan Mag-ati an Tubig sa Dagat, For-Guy asin Pulitika ng Paghuhubad. Asin nagluwas man sa 'Sagurong: 100 na kontemporaryong Rawitdawit sa Manlain-lain na tataramon Bikol' an saiyang mga rawitdawit na "Kuhol" asin "X-Men an Padalan sa Vic Theater" na pigpublikar kan De La Salle University kan 2011. Nagin tagapakaray kaini, iyo sinda Kristian S. Cordero asin Paz Verdades M. Santos.

Kan 2013, kabali an saiyang halìpot na usipon na For-Guy sa antolohiyang Hagong: Mga Osipon na pinakarhay ninda Paz Verdades Santos asin Francisco Peñones, Jr.[8]

Iniluwas niya an suru-sadiring publikasyon na Taragoan Bingkay, sarong koleksyon nin mga usipon, sa Better Living Through Xeroxography kan Hulyo 30, 2016.

Organisasyon[liwaton | liwaton an gikanan]

Si Aguay kaiba an mga myembro kan Parasurat Bikolnon

Siya nagin pamayo kan Parasurat Bikolnon, kaapil kan Kaboronyugan Cultural Group asin an kamuknâ kan Gawad Obrang Literaturang Bikolnon.[9][10]

Nagin kaapil man siya kan Kabulig-Bikol asin kan organisasyon pangkultura na Sumaro Bikolnon kun sain siya nagin bise presidente asin sarô sa mga direktor kaini kan 2010-2011.[11]

Toltolan[liwaton | liwaton an gikanan]

  1. 1.0 1.1 Santos, Paz Verdades asin Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  2. Bernardo Miguel Jr. O. Aguay Jr. Gibsaw sa Salakab (AMS Press, 2008)
  3. Having free ride on cultural initiatives Bicol Mail (pighúgot 2012-01-22)
  4. 61st Carlos Palanca Memorial Awards winners Philippine Daily Inquirer (pighugot 2012-01-22)
  5. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  6. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  7. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  8. Ateneo de Naga Press releases anthology of fiction, book of poetry KALATAS (pighugot 2015-06-19)
  9. Aguay, Bernardo Miguel, Mga tagapagtaram sa Kumperensya, Ikaapat na Pagsurat-Bikol 2012. Ateneo de Naga University. Abril 29-30, 2012.
  10. Gira kan Gawad Obrang Literaturang Bikolnon
  11. Sumaro Bikolnon eyes accreditation from city Bicol Mail (pighugot kan 2011-12-14)