Jump to content

Parasurat Bikolnon

Magdagdag nin link
Gikan sa Bikol Sentral na Wikipedia, an talingkas na ensiklopedya
Parasurat Bikolnon
Tatak
NgaranParasurat Bikolnon
Petsa nin pagkakatugdasAbril 17, 2010
KagtugdasBernardo Miguel Aguay, Jr.
OrganisasyonPangkultura asin panliteratura
Kinamumugtakan
Rehiyon served
Rehiyon Bikol
Mga kaapil12
Opisyal na tataramon
Mga tataramon na Bikol
Presidente
Bernardo Aguay, Jr.
Websityowww.parasuratbikolnon.webs.com

An Parasurat Bikolnon[1] sarong kasararoan nin mga parasurat, paratukdo asin mga Bikolano sa rehiyon Bikol na nagtutulod kan mga tataramon, literatura asin kulturang Bikolnon.[2] Itinugdas ini kan Abril 17, 2010 sa kamàwotan na masimbagan an pangangaipo sa pag-adal asin pagmidbid sa marhinal na mga parasurat.[3] Igwa ining kabtang na organisasyon sa Calabanga, Camarines Sur[4][5] asin Virac, Catanduanes.[6] Inaapod man ini sa manlainlain na salang ngaran (tuyo o dai tuyo) siring kan Pagsurat Bikolnon[7][8][9] asin Parasurat Bikol.[10]

Organisasyon

[baguhon | baguhon an source]

Igwa an organisasyon nin taonan na workshop para sa mga bàgong parasurat na pinònan kan 2011, an Saringsing Writers Workshop. Abril kan 2012, ipinublikar kaini an sarong antabay sa ortograpiya, pagbaybay asin paggamit nin mga diyakritiko para sa tataramon na Bikol Sentral.[11] An organisasyon igwa nin duwang publikasyon: Saringsing[12][13] asin Himoloan na sarong babasahon na minaluwas saro lambang apat na bulan.[14]

Pinapadrinohan kaini an PB Monthly Poetry Contest, bulanan na partiribayan nin rawitdawit na pinoonan kan 2019 asin an TigsTXT, sarong bulanan na patiribayan sa pagtigsik gamit an cellphone bilang behikulo, siring man an Padurunongan, sarong taonan na patiribayan sa Bikol Quiz, Tirigsikan sagkod Dama nin Tataramon kan mga eskwela sa DepED Canaman District sa pakikipagtabangan kan lokal na gobyerno kan banwaan nin Canaman, Camarines Sur, Apolonio B. Sto. Tomas Foundation asin DepEd Canaman District kan 2012 sagkod 2014.[15][16][17]

Kabilang sa mga aktibong myembro digdi iyo sinda Jerome Hipolito, Bernardo Miguel Aguay, Jr., Eilyn Nidea, Irvin Sto. Tomas, Marvin Aquino, Ian Kenneth Orasa, Edwin Breva, Jr., Sabina Marites Lañada, asin iba pa.

Mga katuyohan

[baguhon | baguhon an source]

Katuyohan kan Parasurat Bikolnon an:

  1. maitulod an pagpangataman asin pagpatalubo kan manlainlain na tataramon na Bikolnon sa paagi nin mga pag-adal, publikasyon, akademya, asin pampagbalangibog sagkod elektronikong mga paagi;
  2. magin lindong nin mga organisasyon kan mga indibidwal na parasurat asin kasararoan nin mga parasurat bilang sarong dalan para mga pangangaipo kan mga ini sa pagpaorog kan mga panurat panliteratura, pangmatalingkas na pagpahayag, pampag-adal asin pan-relihiyon sa manlainlain na tataramon na Bikolnon;
  3. makahaman nin mga programa asin mga gibo-gibo para sa mga parasurat na Bikolnon na matiripontipon para sa pagpaorog kan saindang mga kabatiran sagkod kan manlainlain na tataramon na Bikolnon; asin
  4. maipadagos an danay na relasyon sa ibang lokal asin pangkinaban na mga kasararoan nin mga parasurat.

Mga pamayo

[baguhon | baguhon an source]

Poon kan ini mamuknâ, nagkaigwa na nin walong pamayo an grupo. An organisasyon inot na pinamayohan ni Bernardo Miguel Aguay Jr.[18][19][20] Sinalidahan ni Froy Beraña sagkod kan Mayo 15, 2021 dangan ni Aguay sagkod sa Abril 17, 2022 si Honesto Pesimo Jr. bilang pamayo kan organisasyon.

Pangaran Ginikanan Termino Katungdan
Bernardo Miguel Aguay Jr. Calabanga, Camarines Sur Abril 17, 2010 – Abril 17, 2012 Sadiring pagmidbid/bilang saro sa mga kagtugdas
Abril 17 – Hulyo 7, 2012 Pinili kan mga myembro sa Taonan na Miting;

paghali paramyentras

Pebrero 22 - Abril 20, 2013 Pagbalik sa Saringsing Writers Workshop
Marissa Redburn San Pascual, Masbate Hulyo 7, 2012 – Pebrero 22, 2013 Kagsalida paramyentras/Bise-Presidente
Abril 20, 2013 – Oktobre 12, 2013 Pinili kan mga myembro sa Taonan na Miting
Digna Ruth Daliva Magarao, Camarines Sur Oktobre 12, 2013 - Abril 17, 2014 Pinili kan mga myembro sa Espesyal na Miting
Abril 17 - Desyembre 23, 2014 Bakante; Pagpadagos
Froy Beraña Syudad nin Iriga, Camarines Sur Desyembre 23, 2014 - Abril 17, 2015 Pinili kan mga myembro sa Espesyal na Miting
Abril 17, 2015 - Abril 17, 2016 Pagpadagos
Irvin Sto. Tomas Canaman, Camarines Sur April 17, 2016 - Abril 17, 2017 Pinili kan mga myembro sa Taonan na Miting
Julius Bulahan Syudad nin Naga, Camarines Sur April 17, 2017 - Abril 17, 2018 Pinili kan mga myembro sa Taonan na Miting
Elbert Baeta Syudad nin Iriga, Camarines Sur April 17, 2018 - Abril 17, 2019 Pinili kan mga myembro sa Taonan na Miting
Jerome Hipolito Calabanga, Camarines Sur April 23, 2019 - Abril 17, 2020 Pinili kan mga myembro sa Taonan na Miting
Honesto Pesimo, Jr. Syudad nin Naga April 17, 2020 - Hunyo 10, 2020 Pinili kan mga myembro sa Taonan na Miting
Froy Beraña Syudad nin Iriga Hunyo 10, 2020 - Mayo 15, 2021 Kagsalida paramyentras
Bernardo Miguel Aguay Jr. Calabanga, Camarines Sur Mayo 15, 2021 - Abril 17, 2022 Pagpadagos; Pinili kan mga myembro sa Taonan na Miting
Abril 17, 2022 - Abril 17, 2024 Pinili kan mga myembro sa Taonan na Miting

Saringsing National Writers Workshop

[baguhon | baguhon an source]
Banggi nin Kultura sa Saringsing Writers Workshop sa Catanduanes, 2019
Panginot na artikulo: Saringsing Writers Workshop

An Saringsing National Writers Workshop sarong taonan na workshop para sa mga nagpopoon na magsurat nin rawitdawit, usipon, saysay asin drama pang-entablado sa Filipinas. Pinapadalagan ini kan organisasyon katuwang kan mga lokal na gobyerno asin manlainlain na institusyon asin organisasyon sa rehiyon. Ginigibo ini tuyong tig-init bàgo an anibersaryo kan organisasyon maliban kan 2011, 2014 asin 2019.[21]

Mga publikasyon

[baguhon | baguhon an source]
Mga kagsurat kan Ginisang Poesia 2 na sinda Ian Kenneth Orasa, Irvin Sto. Tomas asin Anthony Diaz sa BLTX Naga 3

Katuyohan man kan organisasyon iyo an maitulod an pagpangataman asin pagpatalubo kan manlainlain na tataramon na Bikolnon sa manlainlain na paagi. Sa paagi kan publikasyon, surusadiring naipalagda kaini an mga antholohiyang TULA.K.ARATULA (2011) ni Buboy Aguay, asin Mga Labod sa Daghan kan Bulod (2011) ninda Marissa Redburn asin Jocelyn Bisuña, dangan Antabay sa Ortograpiya nin Bikol Sentral (2012)[22] ni Irvin Sto. Tomas. Ipinublikar man an mga usipon na Posporo, Kan Mag-ati an Tubig sa Dagat (2012) asin For-Guy (2012), asin grapikong nobelang Pulitika ng Paghuhubad (2012) ni Buboy Aguay.

Nagpartisipar an organisasyon sa Better Living Through Xeroxography sa syudad nin Naga kan 2016 asin 2017. Ipinublikar kan organisasyon an #lapigotpa: mga rawitdawit (2016)[22] asin Bungkaras, ika na man: mga rawitdawit (2016)[22] ni Irvin Sto. Tomas, Gapo: mga rawitdawit (2016, 2017) ni Elbert Baeta, Dai taka na padangat taka pa (2018)[23] ni Anthony Diaz, asin an Ginisang Poesia: pinirilian na rawitdawit (2016)[22] asin Ginisang Poesia: pinirilian na rawitdawit (2017)[22] ni Irvin Sto. Tomas, Anthony Diaz asin Ian Kenneth Orasa. Sarong libro man dapit sa kawat na Dama nin Tataramon ni Irvin Sto. Tomas an ipinublikar kan Parasurat Bikolnon kan 2016.[22]

Kan 2020, ipinaluwas an PB Writers Series kun sain durungan na ibinungsod an anom na publikasyon nin rawitdawit ninda Jerome Hipolito, Edwin Breva, Jr., Froy Beraña, Irvin Sto. Tomas, Eilyn Nidea asin Elbert Baeta. An mga rawitdawit ni Fernando Chavez asin usipon na pan-aki ni Pejay Padrigon nagluwas sa Ubod Anthology na ipinublikar kan 2021.[24]

Kataytayan nin mga ladawan

[baguhon | baguhon an source]
  • Lumang By-laws kan organisasyon (2012-2019)
    Lumang By-laws kan organisasyon (2012-2019)
  • Saringsing Writers Workshop 2012 sa Palestina, Pili, Camarines Sur
    Saringsing Writers Workshop 2012 sa Palestina, Pili, Camarines Sur
  • Saringsing Writers Workshop kan 2013 sa pakikipagtabangan kan Syudad nin Naga
    Saringsing Writers Workshop kan 2013 sa pakikipagtabangan kan Syudad nin Naga
  • An mga myembro kan organisasyon sa programang Sumaro sa Sulog
    An mga myembro kan organisasyon sa programang Sumaro sa Sulog
  • Parasurat Bikolnon kan 2015 sa Sumaro sa programang Sumaro sa Sulog sa syudad nin Naga
    Parasurat Bikolnon kan 2015 sa Sumaro sa programang Sumaro sa Sulog sa syudad nin Naga
  • Pagbungsod kan librong Gapô ni Elbert Baeta
    Pagbungsod kan librong Gapô ni Elbert Baeta
  • Mga myembro na nagsusumpa bilang kaapil kan Kabulig-Bikol
    Mga myembro na nagsusumpa bilang kaapil kan Kabulig-Bikol

Toltolan

[baguhon | baguhon an source]
  1. ↑ Elementary pupils compete in Padurunongan contest Archived 2021-08-03 at the Wayback Machine. Canaman.gov.ph Archived 2012-03-14 at the Wayback Machine. (pighugot 2015-01-27) Hilingon man sa Archive.is
  2. ↑ Ruab para sa Aking Parabasa, a benefit run for young Bikolano readers, slated Panitikan: Philippine Literature Portal (pighugot 2019-05-06)
  3. ↑ Kasaysayan kan Pagkakamukna Parasurat Bikolnon Inc. (2012)
  4. ↑ San Miguel Bay Writers Workshop now open to applicants Bicol Standard
  5. ↑ Edwin S. Breva, Jr. #SanggatosNaRawitdawitSaSanggatosNaAldaw: A Literary Autoethnography sa Journal of Arts and Sciences Research Volume 1, No. 1. (March 2018), p. 7
  6. ↑ SurTe confers Gov. Cua honorary membership Archived 2018-10-23 at the Wayback Machine. Catanduanes Tribune Archived 2012-03-09 at the Wayback Machine.
  7. ↑ Halaga kan Literatura sa Sosyedad Bikol Reporter. Abril 17-23, 2016. (pighugot 2019-01-29)
  8. ↑ Rarom, Rayo: Sarong hapon sa Roco Library Hamudyong blog (pighugot 2019-05-03)
  9. ↑ Paz Verdades Santos. Kamugtakan kan Literaturang Bikolnon. Sinambit sa Pagsurat Bikolnon 5 na ginibo sa Camarines Sur Polytechnic College, Nabua, Camarines Sur. 28 Pebrero 2017
  10. ↑ Kristian Cordero. Marissa Reorizo-Redburn sa ''An Satuyang Kakanon sa Aroaldaw'' (NCCA, 2015) pahina 251
  11. ↑ Sto. Tomas, Irvin P., Parasurat Bikolnon Inc. Ortograpiya Bla Bla Bla! Antabay sa Ortograpiya nin Bikol Sentral (Don Quixote Press, 2012)
  12. ↑ Saringsing Blg. 1 Taon 1 (2012)
  13. ↑ Parasurat Bikolnon. Resolusyon 2013-4-21: Komite sa Publikasyon Archived 2018-03-15 at the Wayback Machine.
  14. ↑ Himolonan Quarterly Anthology of Parasurat Bikolnon Inc.
  15. ↑ TigsTXT: ANTABAY KAN PAGPADALAGAN KAN PATIRIBAYAN (pighugot 2012-12-Desyembre 29)
  16. ↑ TigsTXT: tigsik via text contest for February and March[permanent dead link] pighugot 2013-1-Enero 30)
  17. ↑ Parasurat Bikolnon. Uusipon Archived 2018-03-15 at the Wayback Machine.
  18. ↑ Mga tagapagtaram sa Kumperensya, Ikaapat na Pagsurat-Bikol 2012. Ateneo de Naga University. Abril 29-30, 2012.
  19. ↑ Elementary pupils compete in Padurunongan contest Archived 2013-01-28 at the Wayback Machine. Canaman.gov.ph (pighugot 2012-10-2)
  20. ↑ Parasurat Bikolnon. Resolusyon 2013-10-12: Mga Bagong Opisyal kan Organisasyon Archived 2018-03-15 at the Wayback Machine.
  21. ↑ Ten fellows to 7th Saringsing Writers’ Workshop named Archived 2019-08-21 at the Wayback Machine. Bicolmail.net (pighugot 2017-5-29)
  22. ↑ 22.0 22.1 22.2 22.3 22.4 22.5 Igwa nin mga kopya sa Libraryo nin James O'Brien SJ sa Ateneo de Naga na Unibersidad
  23. ↑ Dai taka na padangat taka pa Archived 2019-03-21 at the Wayback Machine. (Naga City: Parasurat Bikolnon, 2018)
  24. ↑ NCCA approves Bikol clutire projects for 2021 Bicol Mail (pighugot 2023-09-6)

Hilingon man

[baguhon | baguhon an source]

Mga takod panluwas

[baguhon | baguhon an source]
An Wikimedia Commons igwa nin medya dapit sa Parasurat Bikolnon.
Kinua sa "https://bcl.wikipedia.org/w/index.php?title=Parasurat_Bikolnon&oldid=273548"