Juliana Arejola-Fajardo Workshop sa Pagsurat-Bikol
| Juliana Arejola-Fajardo Workshop sa Pagsurat-Bikol | |
|---|---|
 | |
| Kamugtakan | Ipinondo na |
| Genre | Hunglonan nin pagsurat |
| Kalakawan | Taonan |
| Lugar | Manlainlain |
| Kinamumugtakan | • Syudad nin Naga • Pili, Camarines Sur |
| Nasyon | Filipinas |
| Pinonan | 2004 |
| Kagtugdas | Carlos Arejola |
| Mga partisipante | Mga Bikolanong parasurat |
| Aktibidad | Hunglonan nin pagsurat |
| Inorganisar kan | Arejola Foundation for Social Responsibility |
An Juliana Arejola-Fajardo Workshop sa Pagsurat-Bikol (JAFWPB) o Pagsurat Bikol sarong dating sarong rehiyonal na workshop para sa mga nagpopoon na magsurat sa literaturang Bikolnon. Namuknâ ini kan taon 2003 sa pagromdom ki Juliana Arejola-Fajardo asin pinapadalagan kan Arejola Foundation for Social Responsibility.[1] Bukas ini sa mga edad 16 pataas asin nagsusurat nin rawitdawit, usipon, saysay asin dula. Kan 2010, nagin ekslusibo sana ini sa mga estudyante kan St. Louise de Marillac School of Pili asin Universidad de Santa Isabel.[2]
Nabilog man ni Carlos Arejola kan 2004 an ideya nin sarong panrehiyon na patiribayan sa pagsurat nin literaturang Bikolnon matapos an ikaduwang Pagsurat Bikolnon, an Premio Tomas Arejola para sa Literaturang Bikolnon (PTALB).[3] An mga inisyatibang ini pinagmidbid kan 2007 Mayoral Recognition Award kan Syudad nin Naga asin kan Unyon ng Manunulat sa Pilipinas (UMPIL) kan 2008. Huring ginibo an rehiyonal na workshop kan 2012 sa Crown Hotel sa Syudad nin Naga, Camarines Sur mantang liwat na binuhay an premyo kan 2016, an huring edisyon kan patiribayan.[4]
Sarô sa mga nagin panelista sa inot na JAFWPB iyo si Estelito Jacob na iyo an nagin tagapadalagan kan ikaduwang edisyon kaini kan 2005.[5]
Nagin katood na parasurat o writing fellow si Jose Jason Chancoco para sa rawitdawit sa inot na edisyon na ginibo sa Pili, Camarines Sur kan Desyembre 26 abot 28, 2003. Si Chancoco nagtukaw bilang sarong panelista kan 2005 kun sain saro sa mga partisipante si Jason Tabinas kan Bula, Camarines Sur.[6] Nagin tagapadalagan man siya kan ikatulong edisyon kaini na ginibo sa Camarines Sur State Agricultural College, ngunyan Sentral na Bikolanong Unibersidad nin Estado kan Agrikultura kan Mayo 18 abot 20, 2006. Nagin bisita sa okasyon si Maria Lilia Realubit.[7][8]
Kan 2007, ginibo an ikaapat na JAFWPB sa St. Louise de Marillac School of Pili, ngunyan Universidad de Santa Isabel. Nagin mga panelista kan taon na ini si Kristian Cordero, Victor Dennis Nierva, Jocelyn Bisuña asin Carlos Arejola.[9]
Kan 2009, sampulong katood na mga parasurat an napilì para sa tulong aldaw na hunglonan nin pagsurat. An mga ini si Jonher Cañeba kan Iriga, Troy Christopher Carretas kan Legazpi, Wilbert Cipria kan Tabaco, Juan Escandor Jr. kan Naga, Richard Madrilejos kan Tabaco, Ma. Bernadette Negrite kan Calabanga, Camarines Sur, Eilyn Nidea kan Ragay, Camarines Sur, Fe Peralta kan Pili, Camarines Sur, Jan Kevin de Quiroz kan Naga, asin man si Eduardo Uy Jr. kan Gubat, Sorsogon.[10]
Mga edisyon[baguhon | baguhon an source]
| Year | Direktor | Lugar | Partisipante |
|---|---|---|---|
| 2005 | Estelito Jacob | ||
| 2006 | Jose Jason Chancoco | Camarines Sur State Agricultural College | 9 |
| 2007 | St. Louise de Marillac School of Pili | 10 | |
| 2008 | Kristian Cordero | ||
| 2009 | Kristian Cordero | Caceres Cathecetical Center, Basilica Minore Complex | 10 |
| 2012 | Kristian Cordero | Crown Hotel | 15 |
Toltolan[baguhon | baguhon an source]
- ↑ 7th Pagsurat Bikol to honor Vincentian Schools' founders Vox Bikol (pighugot 2015-6-11)
- ↑ 7th Pagsurat Bikol workshop slated Bikol Reporter (pighugot 2019-8-24)
- ↑ Paz Verdades Santos. Enot no Tinagba: Ang Premio Tomas Arejola para so Literatura sa mga Wikang Bikol MALAY Tomo 19 Bilang 1 (2006)
- ↑ Carlo Arejola. Panitikan: Philippine Literature Portal (pighugot 2019-5-12)
- ↑ Estelito Baylon Jacob Panitikan: Philippine Literature Portal (pighugot 2019-5-12)
- ↑ Jason Tabinas Panitikan: Philippine Literature Portal (pighugot 2019-5-12)
- ↑ About Me: Jose Jason Llagas Chancoco sa Hagbayon blog (pighugot 2019-5-12)
- ↑ Ikatolong Juliana Arejola -Fajardo Workshop Sa Pagsurat-Bikol Tanhaga blog (pighhugot 2019-5-12)
- ↑ Kristian Cordero. Juliana Arejola-Fajardo Workshop 2007 sa Minatubod Ako sa Dikom blog (pighugot 2019-5-12)
- ↑ Victor Dennis T. Nierva. Mga bâgong tingog Vox Bikol 05/30/2009 (pighugot 2019-5-12)
Hilingon man[baguhon | baguhon an source]
