Lourdes Nieva
| Lourdes Nieva | |
|---|---|
| Minundagan | Camarines Sur |
| Kasibotan | Paratukdo, parasurat |
| Nasyunalidad | Filipino |
| Lahì | Bikolano |
| Genre | Rawitdawit, usipon |
| Bantog na gibo | Osipon sa TolongTaramon: the Oral Folk Narratives of Partido |
Si Lourdes Lobis Nieva sarong kagubay na Bikolanong parasurat nin mga rawitdawit sagkod usipon sa diyalektong Partido kan tataramon Bikol Sentral asin kagsurat kan libron Osipon sa TolongTaramon: the Oral Folk Narratives of Partido (NCCA, 2013). Sarô siyang paratukdô sa Sentral na Bikolanong Unibersidad nin Estado kan Agrikultura (CBSUA).
Siya nagin partisipante sa Juliana Arejola-Fajardo Workshop sa Pagsurat-Bikol sa Syudad nin Naga. Siya sarô sa mga kagmuknâ kan Hagkos Bikolana, sarong grupo nin mga babaing parasurat sa Camarines Sur kaiba sinda Irmina Torres, Marissa Reorizo-Redburn, Eilyn Nidea asin iba pa.[1]
Sa ginibong Rimpos: art-literature Exhibition kan Salingoy Art Group, katampad kan mga obrang kurit ni Micah Hilotin an saiyang mga rawitdawit. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na pinakarhay ni Eilyn Nidea laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[2][3]
Toltolan
[baguhon | baguhon an source]- ↑ Luzon Delegates Taboan Festival 2014
- ↑ Rimpos, an art-literature exhibition, to open in Naga City this May 4[permanent dead link] Panitikan.com.ph (pighugot 2015-06-27)
- ↑ Salingoy stages Rimpos Art-Lit exhibit[permanent dead link] Panitikan.com.ph (pighugot 2015-06-27)
.jpg)
Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina.