Jump to content

Francisco Peñones, Jr.

Magdagdag nin link
Gikan sa Bikol Sentral na Wikipedia, an talingkas na ensiklopedya
(Nakatukdo hali sa Frank Peñones)
Higino Francisco V. Peñones, Jr.
AlyasFrank Peñones
NasyunalidadFilipino
GenrePagpalis, usipon, rawitdawit
Bantog na giboRagang Rinaranga (2006)
Mga bantog na gawadPremio Tomas Arejola para sa Literaturang Bikolnon, Outstanding Bikolano Artists, Sumagang Award

Si Higino Francisco "Frank" V. Peñones, Jr.[1] sarong premyadong kagubay na Bikolanong parasurat asin dating representante kan Sur nin Luzon para sa mga Arteng Panliteratura kan Nasyunal na Komisyon para sa Kultura asin kan Arte (NCCA). Kagsurat siyang kaapil kan Ragang Rinaranga (2006), sarong katiripon kan 52 na mga rawitdawit sa Rinconada Bikol na igwang pagpalis sa Ingles, asin sarô sa mga awtor kan Sinaraysay.[2][3] Kaiba si Paz Verdades Santos, saindang pinakarhay an librong Hagong: Mga Osipon (2013), sarong antolohiya nin mga usipon.[4]

Sarô siya sa mga nairinot na kaapil kan Kabulig Bikol.[5][6] Saro man siya kan organisasyon pangkultura na Sumaro Bikolnon kun sain siya nagin direktor kaini kan 2010-2011 asin kan grupong nin mga parakurit na Burikbutikan Artists Collective.[7]

Natàwan si Peñones kan 1991 nin CCP Creative Writing Grant for Poetry (Bicol).[8] Ginawadan man siya kan Premio Tomas Arejola para sa Literaturang Bikolnon para sa saiyang usipon na pan-akì na Kan Magutom si Buchok kan 2004. Siya napilì man bilang sarô sa Outstanding Bikolano Artists for 2009 (Literary Arts) asin Sumagang Award (Literary Arts).[9]

Sarô siya sa mga panelista sa Juliana Arejola-Fajardo Workshop sa Pagsurat-Bikol siring man sa Saringsing Writers Workshop, an taonan na hunglonan sa pagsurat kan Parasurat Bikolnon.[10]

Nagluwas an nagkapira sa saiyang mga rawitdawit sa Burak asin An Tambobong nin Literaturang Bikolnon.[11][12][13]

Nagtapos si Peñones nin Bachelor of Arts sa Political Science sa Ateneo de Naga kan 1978 asin nagkua an titulong M.A.T.L asin M.F.A kan 2002 dangan 2009. An saiyang pang-akademyang saligsig na P.I.: Poetry and the imagination naipublikar bilang libro sa titulong P.I. and Cancion nin Tawong Lipod kan Ateneo de Naga University Press.[14][15]

Mga Librong Sinurat

[baguhon | baguhon an source]
  1. Ragang Rinaranga (2006) Agnus Press.
  2. Sinaraysay: Halo-Halong Blog nin Buhay (2011) 190 pahina.
  3. P.I.
  4. Cancion nin mga Tawong Lipod

Pelikula

[baguhon | baguhon an source]

Si Peñones dating aktor sa Senakulo, sarong dulâ sa tinampo tuyong Semana Santa sa Syudad nin Iriga bàgo nagin aktor sa pelikula. Nagluwas siya sa manlainlain na pelikulang independyenteng iprinodusir siring kan pelikulang Angustia (2013) ni Kristian Cordero asin Posporo (2013) ni Bernardo Miguel Aguay, Jr.[16] Ipinaluwas sa Teatro Emily sa Syudad nin Naga an Posporo sa tabang kan Apolonio B. Sto. Tomas Foundation, Inc.

Toltolan

[baguhon | baguhon an source]
  1. ↑ H. Francisco V. Peñones, Jr.; Rizaldy M. Manrique; Judith Balares- Salamat, 2011: A.M.S Press, Naga city.
  2. ↑ Aestetika kan daga Bicol Mail (pighugot 2009-08-18)
  3. ↑ Agnus Press releases first book by veteran Bikol poet Archived 2012-11-27 at the Wayback Machine. Panitikan.com.ph (pighugot 2009-08-18)
  4. ↑ Ateneo de Naga Press releases anthology of fiction, book of poetry KALATAS (pighugot 2015-06-19)
  5. ↑ Local artists liven up plaza with poetry, music[permanent dead link] Kabulig-Writers Bureau (pighugot 2009-08-18)
  6. ↑ Bicol info officers trained on media relations Philippine Information Agency (pighugot 2009-08-25)
  7. ↑ Sumaro Bikolnon eyes accreditation from city Bicol Mail (pighugot kan 2011-12-14)
  8. ↑ CCP Encyclopedia, Volume I, CCP, Manila 1994, p. 120
  9. ↑ Bikolinismo: Eleven to be honored as Bicolano Artists 2009 Bicol Mail (pighugot 2009-09-15)
  10. ↑ 4th Saringsing Writers Workshop fellows named Archived 2016-08-13 at the Wayback Machine. Panitikan.com.ph (pighugot 2015-01-24)
  11. ↑ Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  12. ↑ Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  13. ↑ Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
  14. ↑ Peñones, Higino Francisco V. Jr., P.I.: Poetry and the imagination (2009). Master's Theses. Paper 3905
  15. ↑ Teaching Philippine literature workshop and writers forum in Naga Archived 2016-03-06 at the Wayback Machine. Panitikan.com.ph
  16. ↑ Cordero’s first full length film to premier in Manila and Naga Bicol Mail (pighugot 2015-06-27)

Mga panluwas na takod

[baguhon | baguhon an source]
Suminunod ki
Carlos Arejola 		Representante kan Sur nin Luzon
sa Nasyunal na Komisyon para sa Kultura asin kan Arte
para sa Nasyunal na Komite sa mga Arteng Panliteratura
2014 – 2017 		Sinundan ni
Niles Jordan Breis
Kinua sa "https://bcl.wikipedia.org/w/index.php?title=Francisco_Peñones,_Jr.&oldid=261897"