Tataramon na Manide

Manide
Camarines Norte Agta
Subong sa	Filipinas
Rehiyon	Camarines Norte, Luzon
Subong na mga parataram	3,800 (2010)
Pamilya nin Tataramon	Austronesyo Malayo-Polinesyo Filipino Sentral Filipino? Manide–Inagta Manide
Mga kodigo nin tataramon
ISO 639-3	abd
Glotologo	cama1250
ELP	Camarines Norte Agta

An Manide, bistado man sa Camarines Norte Agta o mga Agta kan Camarines Norte, saróng naiibang tataramon na Filipino na tinataram kan mga tawo nin Negrito Filipino kan Provincia nin Camarines Norte sa Islang sur na Luzon, Filipinas. An pinakadakol nin mga parataram kaini iyo an Munisipalidad nin Labo, Paracale, asin Jose Panganiban.

Kaano-ano kan Manide an Agta (Inagta) kan Alabat asin Lopez, Provincia nin Quezon (Lobel 2013:66-67). An Agta kan isla Alabat kun saen orihinal na gikan an mga imigrante hale ki Lopez (Lobel 2010). Naghihingandan an tataramon nindang Inagta Alabat. An mga tataramon na ini dae nagbutwa na kaano-ano ninda an iba pan mga tataramon na Filipino, asin dae ini sub-grupo kan Sentral Filipino o miski na sa mga sangâ kan Mas Dakulang Sentral Filipino (Lobel 2013:275).

Distribusyon

Pigbareta ni Lobel (2010) an Manide na tinataram kan total na maabot sa 4,000 katawo sa mga minasunod na lugar.

• Camarines Norte
  • Basud - 2 mga Komunidad, 175 na mga parataram
  • Labo - 9 na mga Komunidad, 1,542 na mga parataram
  • Jose Panganiban - 3 mga Komunidad, 568 na mga parataram
  • Paracale - 4 na mga Komunidad, 581 na mga parataram
  • Santa Elena - 1 community, 110 na mga parataram
  • Capalonga - 2 mga Komunidad, 245 na mga parataram
  • San Lorenzo Ruiz - 1 Komunidad, 45 na mga parataram
• Quezon
  • Calauag - 1 Komunidad
  • Lopez - 1 Komunidad
• Camarines Sur
  • Ragay - 1 Komunidad, 200 na mga parataram
  • Lupi - 1 Komunidad, 197 na mga parataram

Mga Toltolan

• Lobel, Jason William. 2010. "Manide: An Undescribed Philippine Language". Oceanic Linguistics, Vol. 49, no. 2.
• Lobel, Jason William. 2013. Philippine and North Bornean languages: issues in description, subgrouping, and reconstruction. Ph.D. dissertation. Manoa: University of Hawai'i at Manoa.